ຖ່ອມຕົນ, ຄວາມຖ່ອມຕົນ ເບິ່ງ ຈອງຫອງ, ຄວາມຈອງຫອງ; ຍາກຈົນ; ຫົວໃຈທີ່ຊອກຊ້ຳ; ອ່ອນໂຍນ, ຄວາມອ່ອນໂຍນ; ອ່ອນແອ, ຄວາມອ່ອນແອ ນຳອີກ ເພື່ອເຮັດໃຫ້ອ່ອນໂຍນ ແລະ ສອນງ່າຍ, ຫລື ສະພາບຂອງການເປັນຄົນອ່ອນໂຍນ ແລະ ສອນງ່າຍ. ຄວາມຖ່ອມຕົວແມ່ນຮ່ວມດ້ວຍການຮັບຮູ້ຂອງເຮົາທີ່ຕ້ອງເພິ່ງອາໄສພຣະເຈົ້າ ແລະ ຄວາມປາດຖະໜາທີ່ຈະເຮັດຕາມພຣະປະສົງຂອງພຣະອົງ. ພຣະເຈົ້າໄດ້ນຳພາພວກເຈົ້າໃນການເດີນທາງຜ່ານຖິ່ນແຫ້ງແລ້ງກັນດານເປັນເວລາສີ່ສິບປີ, ພບຍ 8:2. ຂ້າພຣະອົງຖ່ອມຕົວດ້ວຍການຖືສິນອົດເຂົ້າ, ພສສ 35:13. ຄົນແກ່ ແລະ ຍັງໂງ່ຈ້າບໍ່ຍອມຟັງຄຳແນະນຳຢູ່ ລາວກໍສູ້ຄົນໜຸ່ມທີ່ຍາກຈົນແຕ່ສະຫລາດສະຫລຽວບໍ່ໄດ້, ປຍຈ 4:13. ພຣະຜູ້ເປັນເຈົ້າຢູ່ນຳຜູ້ທີ່ຖ່ອມໃຈ, ອຊຢ 57:15. ຜູ້ເປັນໃຫຍ່ທີ່ສຸດໃນອານາຈັກສະຫວັນ ແມ່ນຜູ້ທີ່ຖ່ອມຕົວລົງເໝືອນດັ່ງເດັກນ້ອຍຜູ້ນີ້, ມທ 18:4. ຜູ້ໃດທີ່ຖ່ອມຕົວລົງຜູ້ນັ້ນຈະຖືກຍົກຂຶ້ນ, ມທ 23:12 (ລກ 14:11; 18:14). ພຣະເຢຊູໄດ້ຖ່ອມຕົວລົງ ແລະ ຍອມເຊື່ອຟັງຈົນເຖິງຄວາມມໍລະນາ, ຟລປ 2:8 (ລກ 22:42; 23:46). ພຣະເຈົ້າຕໍ່ສູ້ຄົນທີ່ອວດດີ, ແຕ່ປະທານພຣະຄຸນໃຫ້ແກ່ຜູ້ທີ່ຖ່ອມໃຈ, 1 ປຕ 5:5–6 (2 ນຟ 9:42). ຈົ່ງຖ່ອມຕົວຂອງພວກທ່ານເຖິງສ່ວນເລິກແຫ່ງຄວາມຖ່ອມຕົວ, ມຊຢ 4:11 (2 ນຟ 9:42; 3 ນຟ 12:2). ພວກທ່ານຖ່ອມຕົວພຽງພໍແລ້ວບໍ, ແອວ 5:27–28. ຜູ້ຄົນທີ່ຖ່ອມຕົວເປັນຈຳນວນຫລວງຫລາຍໄດ້ເຂັ້ມແຂງຂຶ້ນເລື້ອຍໆໃນຄວາມຖ່ອມຕົວຂອງພວກເຂົາ, ຮລມ 3:33–35. ເຮົາຈະມອບຄວາມອ່ອນແອໃຫ້ມະນຸດເພື່ອເຂົາຈະຖ່ອມຕົວ, ອທ 12:27. ຄວາມຖ່ອມຕົວຄືເງື່ອນໄຂສຳລັບການບັບຕິສະມາ, ຄພ 20:37. ຈົ່ງຖ່ອມຕົວລົງຢູ່ຕໍ່ໜ້າເຮົາ ແລະ ພວກເຈົ້າຈະເຫັນເຮົາ ແລະ ຮູ້ວ່າເຮົາດຳລົງຢູ່, ຄພ 67:10. ຈົ່ງຖ່ອມຕົວ ແລະ ພຣະຜູ້ເປັນເຈົ້າຈະໃຫ້ຄຳຕອບແກ່ຄຳອະທິຖານຂອງເຈົ້າ, ຄພ 112:10. ໃຫ້ຄົນທີ່ໂງ່ຈ້າຮຽນຮູ້ປັນຍາໂດຍການຖ່ອມຕົວ, ຄພ 136:32. ວິນຍານຂອງເຮົາໄດ້ຖືກສົ່ງອອກໄປເພື່ອໃຫ້ຄວາມສະຫວ່າງແກ່ຄົນຖ່ອມຕົວ, ຄພ 136:33.