ຫລັກແຫ່ງຄວາມເຊື່ອ
ຄວາມເຊື່ອຂັ້ນພື້ນຖານສິບສາມຂໍ້ ຊຶ່ງສະມາຊິກຂອງສາດສະໜາຈັກຂອງພຣະເຢຊູຄຣິດແຫ່ງໄພ່ພົນຍຸກສຸດທ້າຍ ປະຕິບັດຕາມ.
ທຳອິດ ໂຈເຊັບ ສະມິດ ໄດ້ຂຽນມັນໃນຈົດໝາຍເຖິງ ຈອນ ເວັ້ນເວິທ໌, ບັນນາທິການຂອງ Chicago Democrat, ໃນການຕອບຕໍ່ຄຳຮຽກຮ້ອງຂອງລາວທີ່ຢາກຮູ້ຈັກວ່າສະມາຊິກຂອງສາດສະໜາຈັກໄດ້ເຊື່ອໃນສິ່ງໃດແດ່. ຈົດໝາຍນັ້ນໄດ້ເປັນທີ່ຮູ້ຈັກກັນວ່າ ຈົດໝາຍເວັ້ນເວິທ໌ ແລະ ໄດ້ຖືກຈັດພິມເປັນເທື່ອທຳອິດໃນ Times and Seasons ໃນເດືອນມີນາ 1842. ໃນວັນທີ 10 ເດືອນຕຸລາ, 1880, ຫລັກແຫ່ງຄວາມເຊື່ອ ໄດ້ຖືກຮັບຮູ້ຢ່າງເປັນທາງການວ່າເປັນຂໍ້ພຣະຄຳພີ ດ້ວຍການອອກສຽງຂອງສະມາຊິກຂອງສາດສະໜາຈັກ ແລະ ໄດ້ຖືກຮ່ວມເຂົ້າໄວ້ໃນພຣະຄຳພີໄຂ່ມຸກອັນລ້ຳຄ່າ.