ເປັນອັນໜຶ່ງດຽວກັນ, ຄວາມເປັນອັນໜຶ່ງດຽວກັນ ເບິ່ງ ພຣະເຈົ້າ, ຝ່າຍພຣະເຈົ້າ ນຳອີກ ການກາຍເປັນອັນໜຶ່ງດຽວກັນໃນຄວາມຄິດ, ໃນຄວາມປາດຖະໜາ, ແລະ ໃນຈຸດປະສົງ, ທຳອິດນຳພຣະບິດາຜູ້ສະຖິດຢູ່ໃນສະຫວັນ ແລະ ພຣະເຢຊູຄຣິດ, ແລະ ຈາກນັ້ນນຳໄພ່ພົນຂອງພຣະເຈົ້າຄົນອື່ນໆ. ມັນເປັນການດີທີ່ປະຊາຊົນຢູ່ຮ່ວມກັນດ້ວຍຄວາມປອງດອງຢ່າງນີ້, ພສສ 133:1. ເຮົາກັບພຣະບິດາກໍເປັນອັນໜຶ່ງດຽວກັນ, ຢຮ 10:30 (ຄພ 50:43). ພຣະເຢຊູໄດ້ອະທິຖານຂໍໃຫ້ທຸກຄົນເປັນອັນໜຶ່ງດຽວກັນ ເຊັ່ນດຽວກັບພຣະອົງກັບພຣະບິດາຂອງພຣະອົງ ທີ່ເປັນອັນໜຶ່ງດຽວກັນ, ຢຮ 17:11–23 (3 ນຟ 19:23). ເຮົາຂໍຮ້ອງພວກເຈົ້າທຸກຄົນໃຫ້ຖືກຕ້ອງປອງດອງກັນ ຢ່າຖືພັກຖືພວກ ຈົ່ງຮ່ວມເຂົ້າກັນເປັນອັນໜຶ່ງດຽວກັນ, 1 ກຣທ 1:10. ຈົ່ງຕັ້ງໃຈເດັດດ່ຽວ ແລະ ໃຈດຽວ, ສາມັກຄີກັນໃນທຸກສິ່ງທຸກຢ່າງ, 2 ນຟ 1:21. ໄພ່ພົນຂອງພຣະເຈົ້າຄວນໃຫ້ໃຈຂອງພວກເຂົາຜູກພັນກັນໄວ້ໃນຄວາມເປັນອັນໜຶ່ງດຽວກັນ, ມຊຢ 18:21. ພຣະເຢຊູໄດ້ອະທິຖານສຳລັບຄວາມເປັນອັນໜຶ່ງດຽວກັນໃນບັນດາສານຸສິດຊາວນີໄຟຂອງພຣະອົງ, 3 ນຟ 19:23. ສານຸສິດໄດ້ມາເຕົ້າໂຮມກັນເພື່ອອະທິຖານ ແລະ ຖືສິນອົດເຂົ້າຢ່າງເອົາຈິງເອົາຈັງ, 3 ນຟ 27:1. ພຣະບິດາ, ພຣະບຸດ, ແລະ ພຣະວິນຍານບໍລິສຸດ ເປັນອັນໜຶ່ງດຽວກັນ, ຄພ 20:27–28 (ຄພ 35:2; 50:43). ມັນເປັນໜ້າທີ່ຂອງເຈົ້າທີ່ຈະເຂົ້າຮ່ວມນຳສາດສະໜາຈັກທີ່ແທ້ຈິງ, ຄພ 23:7. ສິ່ງໃດກໍຕາມທີ່ພວກເຈົ້າຈະທູນຂໍດ້ວຍສັດທາ, ໂດຍການຮ່ວມກັນໃນຄຳອະທິຖານ, ແລ້ວພວກເຈົ້າຈະໄດ້ຮັບ, ຄພ 29:6. ຖ້າຫາກພວກເຈົ້າບໍ່ເປັນອັນໜຶ່ງດຽວກັນ ພວກເຈົ້າກໍບໍ່ແມ່ນຂອງເຮົາ, ຄພ 38:27. ພຣະຜູ້ເປັນເຈົ້າໄດ້ເອີ້ນຜູ້ຄົນຂອງພຣະອົງວ່າ ຊີໂອນ ເພາະວ່າພວກເຂົາມີໃຈດຽວ ແລະ ມີຄວາມຄິດດຽວ, ມຊ 7:18.