ຂັ້ນຕອນທີ່ເຮັດໃຫ້ມະນຸດຊາດກາຍເປັນມະຕະຢູ່ເທິງແຜ່ນດິນໂລກນີ້. ເມື່ອອາດາມ ແລະ ເອວາ ໄດ້ກິນໝາກໄມ້ທີ່ຕ້ອງຫ້າມ, ເຂົາເຈົ້າໄດ້ກາຍເປັນມະຕະ, ນັ້ນແມ່ນ, ຂຶ້ນກັບບາບ ແລະ ຄວາມຕາຍ. ອາດາມໄດ້ກາຍເປັນ “ເນື້ອໜັງທຳອິດ” ຢູ່ເທິງແຜ່ນດິນໂລກ (ມຊ 3:7). ການເປີດເຜີຍຍຸກສຸດທ້າຍເຮັດໃຫ້ແຈ່ມແຈ້ງວ່າ ການຕົກເປັນພອນ ແລະ ວ່າອາດາມ ແລະ ເອວາ ຄວນໄດ້ຮັບກຽດໃນຖານະທີ່ເປັນພໍ່ແມ່ຜູ້ທຳອິດຂອງມະນຸດຊາດທັງປວງ.
ການຕົກເປັນຂັ້ນຕອນທີ່ສຳຄັນສຳລັບຄວາມກ້າວໜ້າຂອງມະນຸດ. ເພາະພຣະເຈົ້າໄດ້ຮູ້ວ່າ ການຕົກຈະເກີດຂຶ້ນ, ພຣະອົງຈຶ່ງໄດ້ວາງແຜນຊີວິດກ່ອນມະຕະ ໃຫ້ມີພຣະຜູ້ຊ່ວຍໃຫ້ລອດ. ພຣະເຢຊູຄຣິດໄດ້ມາໃນເວລາອັນຮຸ່ງໂລດທີ່ຈະຊົດໃຊ້ສຳລັບການຕົກຂອງອາດາມ ແລະ ສຳລັບບາບສ່ວນຕົວຂອງທຸກຄົນນຳອີກ ຕາມເງື່ອນໄຂແຫ່ງການກັບໃຈຂອງມະນຸດ.