ຊາຕານ. ມານເປັນສັດຕູຂອງຄວາມຊອບທຳ ແລະ ຂອງຄົນທີ່ສະແຫວງຫາທີ່ຈະເຮັດຕາມພຣະປະສົງຂອງພຣະເຈົ້າ. ມັນເປັນບຸດທາງວິນຍານແທ້ໆຂອງພຣະເຈົ້າ ແລະ ຄັ້ງໜຶ່ງເຄີຍເປັນທູດທີ່ມີສິດອຳນາດຢູ່ໃນທີ່ປະທັບຂອງພຣະເຈົ້າ (ອຊຢ 14:12; 2 ນຟ 2:17). ເຖິງຢ່າງໃດກໍຕາມ, ມັນໄດ້ກະບົດໃນຊີວິດກ່ອນມະຕະ ແລະ ໄດ້ຊັກຊວນລູກໆທາງວິນຍານຂອງພຣະບິດາໜຶ່ງສ່ວນສາມ ໃຫ້ກະບົດກັບມັນ (ຄພ 29:36; ມຊ 4:1–4; ອຣຮ 3:27–28). ພວກເຂົາໄດ້ຖືກຂັບໄລ່ອອກຈາກສະຫວັນ, ໄດ້ຖືກປະຕິເສດບໍ່ໃຫ້ມີໂອກາດທີ່ຈະໄດ້ຮັບຮ່າງກາຍມະຕະ ແລະ ປະສົບການຊີວິດມະຕະ, ແລະ ຈະອັບປະໂຫຍດຊົ່ວນິລັນດອນ. ນັບແຕ່ເວລາມານໄດ້ຖືກຂັບໄລ່ອອກຈາກສະຫວັນ, ມັນໄດ້ຫລອກລວງມະນຸດທັງໝົດຢູ່ບໍ່ຂາດ ແລະ ນຳພາເຂົາໄປຈາກວຽກງານຂອງພຣະເຈົ້າ ເພື່ອວ່າຈະໄດ້ເຮັດໃຫ້ມະນຸດຊາດເສົ້າສະຫລົດໃຈຄືກັນກັບມັນ (ພນມ 12:9; 2 ນຟ 2:27; 9:8–9).
ທຸກການຈັດຕັ້ງທີ່ຊົ່ວ ແລະ ເປັນຂອງໂລກຢູ່ເທິງແຜ່ນດິນໂລກນີ້ ທີ່ບິດເບືອນຈາກພຣະກິດຕິຄຸນທີ່ບໍລິສຸດ ແລະ ດີພ້ອມທຸກຢ່າງ ແລະ ຕໍ່ສູ້ກັບພຣະເມສານ້ອຍຂອງພຣະເຈົ້າ.