ອ່ອນໂຍນ, ຄວາມອ່ອນໂຍນ ເບິ່ງ ຖ່ອມຕົນ, ຄວາມຖ່ອມຕົນ; ຫົວໃຈທີ່ຊອກຊ້ຳ; ອົດທົນ, ຄວາມອົດທົນ ນຳອີກ ຢຳເກງພຣະເຈົ້າ, ຊອບທຳ, ຖ່ອມຕົວ, ສອນງ່າຍ, ແລະ ອົນທົນກັບຄວາມທຸກທໍລະມານ. ຄົນທີ່ອ່ອນໂຍນຈະຕິດຕາມຄຳສອນຂອງພຣະກິດຕິຄຸນ. ໂມເຊເປັນຄົນອ່ອນໂຍນ, ຈບຊ 12:3. ຜູ້ອ່ອນໂຍນຈະໄດ້ຮັບດິນແດນເປັນກຳມະສິດ, ພສສ 37:11 (ມທ 5:5; 3 ນຟ 12:5; ຄພ 88:17). ຈົ່ງຫັນມາຫາພຣະຜູ້ເປັນເຈົ້າເສຍເຖີດ, ເຈົ້າທັງຫລາຍທີ່ອ່ອນໂຍນ; ຈົ່ງເຮັດສິ່ງທີ່ຖືກຕ້ອງ, ຈົ່ງສະແຫວງຫາຄວາມອ່ອນໂຍນ, ຊຟຢ 2:3 (1 ຕມທ 6:11). ຈົ່ງຮຽນຮູ້ຈາກເຮົາ ເພາະວ່າເຮົາອ່ອນໂຍນ ແລະ ຕ່ຳຕ້ອຍໃນໃຈ, ມທ 11:29. ຜົນຂອງພຣະວິນຍານຄືຄວາມອ່ອນໂຍນ, ຄລຕ 5:22–23. ຜູ້ຮັບໃຊ້ຂອງພຣະຜູ້ເປັນເຈົ້າຕ້ອງມີໃຈເມດຕາ, ເປັນຜູ້ສິດສອນທີ່ດີ, ມີໃຈອົດທົນ, ແກ້ໄຂຄວາມຄິດເຫັນຝ່າຍກົງກັນຂ້າມດ້ວຍຄວາມສຸພາບອ່ອນໂຍນ, 2 ຕມທ 2:24–25. ຈິດໃຈອ່ອນໂຍນ ແລະ ສະຫງຽມຄ່ຽມຄົມ ຊຶ່ງເປັນສິ່ງທີ່ມີຄ່າສູງໃນສາຍພຣະເນດຂອງພຣະເຈົ້າ, 1 ປຕ 3:4. ປະຖິ້ມມະນຸດທີ່ມີຈິດໃຈທຳມະດາ ແລະ ກາຍເປັນຄົນອ່ອນໂຍນ, ມຊຢ 3:19 (ແອວ 13:27–28). ພຣະເຈົ້າໄດ້ບັນຊາຮີລາມັນໃຫ້ສອນຜູ້ຄົນໃຫ້ເປັນຄົນອ່ອນໂຍນ, ແອວ 37:33. ຄຸນງາມຄວາມດີຂອງພຣະຜູ້ເປັນເຈົ້າ ພຽງພໍສຳລັບຄົນທີ່ອ່ອນໂຍນ, ອທ 12:26. ທ່ານມີສັດທາໃນພຣະຄຣິດ ເພາະຄວາມອ່ອນໂຍນຂອງທ່ານ, ມຣນ 7:39. ບໍ່ມີຄົນໃດເປັນທີ່ຍອມຮັບຕໍ່ພຣະພັກຂອງພຣະເຈົ້າ ນອກຈາກຜູ້ທີ່ອ່ອນໂຍນ ແລະ ຕ່ຳຕ້ອຍໃນໃຈ, ມຣນ 7:44. ການປົດບາບນຳມາຊຶ່ງຄວາມອ່ອນໂຍນ, ແລະ ເພາະຄວາມອ່ອນໂຍນ ການມາຢ້ຽມຢາມຂອງພຣະວິນຍານບໍລິສຸດຍ່ອມມາເຖິງ, ມຣນ 8:26. ຈົ່ງເດີນໄປໃນຄວາມອ່ອນໂຍນແຫ່ງພຣະວິນຍານຂອງເຮົາ, ຄພ 19:23. ຈົ່ງປົກຄອງຄອບຄົວຂອງເຈົ້າດ້ວຍຄວາມອ່ອນໂຍນ, ຄພ 31:9. ອຳນາດ ແລະ ອິດທິພົນຂອງຖານະປະໂລຫິດ ສາມາດດຳລົງຮັກສາໄວ້ ໂດຍຄວາມສຸພາບ ແລະ ຄວາມອ່ອນໂຍນ, ຄພ 121:41.