ພິທີການ
ພິທີການ ແລະ ພິທີທີ່ສັກສິດ. ພິທີການທີ່ລວມທັງການປະຕິບັດທີ່ມີຄວາມໝາຍທາງວິນຍານ. ພິທີການກໍໝາຍເຖິງກົດ ແລະ ຂໍ້ກຳນົດຂອງພຣະເຈົ້າດ້ວຍ.
ພິທີການໃນສາດສະໜາຈັກຮ່ວມດ້ວຍການປະຕິບັດຕໍ່ຄົນເຈັບປ່ວຍ (ຢກບ 5:14–15), ການໃຫ້ພອນ ສິນລະລຶກ (ຄພ 20:77, 79), ການບັບຕິສະມາໂດຍການລົງໄປໃນນ້ຳໝົດທັງຕົວ (ມທ 3:16; ຄພ 20:72–74), ການໃຫ້ພອນແກ່ເດັກນ້ອຍ (ຄພ 20:70), ການມອບພຣະວິນຍານບໍລິສຸດ (ຄພ 20:68; 33:15), ການມອບຖານະປະໂລຫິດ (ຄພ 84:6–16; 107:41–52), ພິທີການຂອງພຣະວິຫານ (ຄພ 124:39), ແລະ ການແຕ່ງງານໃນພັນທະສັນຍາໃໝ່ ແລະ ເປັນນິດ (ຄພ 132:19–20).
ພິທີການກະທຳແທນ
ພິທີທາງສາດສະໜາປະຕິບັດໂດຍຜູ້ທີ່ມີຊີວິດຢູ່ ແທນຜູ້ທີ່ໄດ້ລ່ວງລັບໄປແລ້ວ. ພິທີການເຫລົ່ານີ້ຈະໄດ້ຜົນ ກໍຕໍ່ເມື່ອຜູ້ທີ່ຖືກກະທຳແທນຍອມຮັບພິທີການເຫລົ່ານັ້ນ, ຮັກສາພັນທະສັນຍາທີ່ກ່ຽວຂ້ອງກັບມັນ, ແລະ ໄດ້ຮັບການຜະນຶກໂດຍພຣະວິນຍານສັກສິດແຫ່ງຄຳສັນຍາ. ພິທີການເຫລົ່ານີ້ໄດ້ຖືກປະຕິບັດຢູ່ໃນພຣະວິຫານໃນທຸກວັນນີ້.