ພາກທີ 65
ການເປີດເຜີຍກ່ຽວກັບການອະທິຖານ ທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ, ທີ່ເມືອງໄຮຣຳ, ລັດໂອໄຮໂອ, ວັນທີ 30 ເດືອນຕຸລາ, 1831.
1–2, ຂໍກະແຈຂອງອານາຈັກຂອງພຣະເຈົ້າໄດ້ຖືກມອບໃຫ້ມະນຸດຢູ່ເທິງແຜ່ນດິນໂລກ, ແລະ ອຸດົມການແຫ່ງພຣະກິດຕິຄຸນຈະມີໄຊ; 3–6, ອານາຈັກສະຫວັນແຫ່ງພັນປີຈະມາເຖິງ ແລະ ຮວມເຂົ້າກັບອານາຈັກຂອງພຣະເຈົ້າຢູ່ເທິງແຜ່ນດິນໂລກ.
1 ຈົ່ງເຊື່ອຟັງ, ແລະ ເບິ່ງແມ, ສຽງຄືກັບຜູ້ທີ່ສົ່ງລົງມາຈາກເບື້ອງບົນ, ຜູ້ຊຶ່ງຍິ່ງໃຫຍ່ ແລະ ມີອຳນາດ, ຜູ້ທີ່ອອກໄປເຖິງທີ່ສຸດຂອງແຜ່ນດິນໂລກ, ແທ້ຈິງແລ້ວ, ຜູ້ທີ່ສຽງອອກໄປເຖິງມະນຸດ—ຈົ່ງ ກຕຽມທາງຂອງພຣະຜູ້ເປັນເຈົ້າ, ໂດຍເຮັດທາງຂອງພຣະອົງໃຫ້ຊື່.
2 ກຂໍກະແຈຂອງ ຂອານາຈັກຂອງພຣະເຈົ້າໄດ້ຖືກມອບໃຫ້ແກ່ມະນຸດເທິງແຜ່ນດິນໂລກ, ແລະ ຈາກບ່ອນນັ້ນພຣະກິດຕິຄຸນຈະຂະຫຍາຍອອກໄປຈົນເຖິງທີ່ສຸດຂອງແຜ່ນດິນໂລກ, ຄືກັນກັບ ຄຫີນກ້ອນໜຶ່ງຊຶ່ງແຕກອອກມາເອງຈາກໜ້າຜາໂດຍບໍ່ມີຜູ້ໃດເຮັດຈະກິ້ງອອກໄປຈົນ ງເຕັມແຜ່ນດິນໂລກ.
3 ແທ້ຈິງແລ້ວ, ສຽງປ່າວຮ້ອງ—ຈົ່ງຕຽມທາງຂອງພຣະຜູ້ເປັນເຈົ້າ, ຈົ່ງຕຽມ ກງານລ້ຽງສະຫລອງພຣະເມສານ້ອຍ, ຈົ່ງຕຽມພ້ອມສຳລັບ ຂເຈົ້າບ່າວ.
4 ຈົ່ງອະທິຖານຫາພຣະຜູ້ເປັນເຈົ້າ, ຈົ່ງເອີ້ນຫາພຣະນາມທີ່ສັກສິດຂອງພຣະອົງ, ຈົ່ງເຮັດໃຫ້ວຽກງານອັນໜ້າອັດສະຈັນໃຈຂອງພຣະອົງເປັນທີ່ຮູ້ຈັກໃນບັນດາຜູ້ຄົນ.
5 ຈົ່ງເອີ້ນຫາພຣະຜູ້ເປັນເຈົ້າ, ເພື່ອວ່າອານາຈັກຂອງພຣະອົງຈະຂະຫຍາຍອອກໄປເທິງແຜ່ນດິນໂລກ, ເພື່ອວ່າຜູ້ອາໄສຢູ່ໃນນັ້ນຈະໄດ້ຮັບມັນ, ແລະ ຕຽມພ້ອມສຳລັບວັນເວລາທີ່ຈະມາເຖິງ, ຊຶ່ງໃນເວລານັ້ນບຸດມະນຸດຈະລົງ ກມາໃນຟ້າສະຫວັນ, ຂຫຸ້ມຫໍ່ດ້ວຍຄວາມຮຸ່ງເຫລື້ອມແຫ່ງ ຄລັດສະໝີພາບຂອງພຣະອົງ, ເພື່ອພົບກັບ ງອານາຈັກຂອງພຣະເຈົ້າ ຊຶ່ງຕັ້ງຢູ່ເທິງແຜ່ນດິນໂລກ.
6 ດັ່ງນັ້ນ, ຂໍໃຫ້ ກອານາຈັກຂອງພຣະເຈົ້າຈົ່ງຂະຫຍາຍອອກໄປ, ເພື່ອວ່າ ຂອານາຈັກສະຫວັນຈະມາ, ເພື່ອວ່າ ພຣະອົງ, ໂອ້ ພຣະອົງເຈົ້າ, ຈະໄດ້ຮັບການສັນລະເສີນໃນສະຫວັນ ເຊັ່ນດຽວກັບຢູ່ເທິງແຜ່ນດິນໂລກ, ເພື່ອວ່າສັດຕູຂອງພຣະອົງຈະຖືກປາບ; ເພາະກຽດຕິຍົດ, ອຳນາດ, ແລະ ລັດສະໝີພາບເປັນ ຄຂອງພຣະອົງ, ຕະຫລອດການ ແລະ ຕະຫລອດໄປ. ອາແມນ.