ພາກທີ 30
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ ແກ່ເດວິດ ວິດເມີ, ພີເຕີ ວິດເມີ ຜູ້ລູກ, ແລະ ຈອນ ວິດເມີ, ທີ່ເມືອງເຟແອດ, ລັດນິວຢອກ, ເດືອນກັນຍາ 1830, ຫລັງຈາກກອງປະຊຸມໃຫຍ່ສາມມື້ທີ່ເມືອງເຟແອດ, ແຕ່ກ່ອນທີ່ພວກແອວເດີຂອງສາດສະໜາຈັກໄດ້ແຍກຍ້າຍກັນໄປ. ໃນຕອນທຳອິດ ຂໍ້ຄວາມເຫລົ່ານີ້ໄດ້ຖືກພິມເປັນການເປີດເຜີຍສາມເລື່ອງ; ສາດສະດາໄດ້ໂຮມມັນເຂົ້າກັນເປັນພາກດຽວສຳລັບຄຳສອນ ແລະ ພັນທະສັນຍາ ຊຸດສະບັບ 1835.
1–4, ເດວິດ ວິດເມີ ຖືກຕີສອນສຳລັບການບໍ່ໄດ້ຮັບໃຊ້ຢ່າງພາກພຽນ; 5–8, ພີເຕີ ວິດເມີ ຜູ້ລູກ, ຕ້ອງໄປກັບອໍລີເວີ ຄາວເດີຣີ ເພື່ອເຜີຍແຜ່ສາດສະໜາຕໍ່ຊາວເລມັນ; 9–11, ຈອນ ວິດເມີ ຖືກເອີ້ນໃຫ້ ສັ່ງສອນພຣະກິດຕິຄຸນ.
1 ຈົ່ງເບິ່ງ, ເຮົາກ່າວກັບເຈົ້າ, ກເດວິດ, ວ່າເຈົ້າໄດ້ ຂຢ້ານກົວມະນຸດ ແລະ ບໍ່ໄດ້ ຄວາງໃຈໃນເຮົາເພື່ອພະລັງດັ່ງທີ່ເຈົ້າຄວນຈະເຮັດ.
2 ແຕ່ຈິດໃຈຂອງເຈົ້າຢູ່ນຳເລື່ອງທີ່ເປັນຂອງ ກໂລກຫລາຍກວ່າເລື່ອງທີ່ເປັນຂອງເຮົາ, ພຣະຜູ້ສ້າງຂອງເຈົ້າ, ແລະ ການປະຕິບັດສາດສະໜາກິດທີ່ເຈົ້າຖືກເອີ້ນ; ແລະ ເຈົ້າບໍ່ໄດ້ເອົາໃຈໃສ່ກັບພຣະວິນຍານຂອງເຮົາ, ແລະ ຄົນທີ່ເຮົາໄດ້ແຕ່ງຕັ້ງໄວ້ເໜືອເຈົ້າ, ແຕ່ຖືກຊັກຈູງໄປໂດຍຜູ້ຄົນທີ່ເຮົາບໍ່ໄດ້ບັນຊາ.
3 ດັ່ງນັ້ນ, ເຈົ້າຈຶ່ງຖືກປະໃຫ້ທູນຖາມຈາກເຮົາເພື່ອຕົວເອງ, ແລະ ກໄຕ່ຕອງເຖິງເລື່ອງທີ່ເຈົ້າໄດ້ຮັບ.
4 ແລະ ບ່ອນພັກເຊົາຂອງເຈົ້າຈະເປັນເຮືອນຂອງພໍ່ເຈົ້າ, ຈົນກວ່າເຮົາຈະມອບບັນຍັດໃຫ້ແກ່ເຈົ້າຕື່ມອີກ. ແລະ ເຈົ້າຈົ່ງເອົາໃຈໃສ່ຕໍ່ ກການປະຕິບັດສາດສະໜາກິດໃນສາດສະໜາຈັກ, ແລະ ຕໍ່ໂລກ, ແລະ ໃນພາກພື້ນຕ່າງໆທີ່ອ້ອມຮອບ. ອາແມນ.
5 ຈົ່ງເບິ່ງ, ເຮົາກ່າວກັບເຈົ້າ, ກພີເຕີ, ວ່າເຈົ້າຈົ່ງ ຂເດີນທາງໄປກັບອໍລີເວີ ອ້າຍນ້ອງຂອງເຈົ້າ; ເພາະ ຄເວລາມາເຖິງແລ້ວ ຊຶ່ງເຮົາເຫັນສົມຄວນທີ່ເຈົ້າຈະເປີດປາກປະກາດພຣະກິດຕິຄຸນຂອງເຮົາ; ສະນັ້ນ, ຢ່າສູ່ຢ້ານ, ແຕ່ຈົ່ງ ງເອົາໃຈໃສ່ຕໍ່ຖ້ອຍຄຳ ແລະ ຄຳແນະນຳຂອງອ້າຍນ້ອງຂອງເຈົ້າ, ຊຶ່ງລາວຈະມອບໃຫ້ແກ່ເຈົ້າ.
6 ແລະ ເຈົ້າຈົ່ງເປັນທຸກໃນຄວາມທຸກທໍລະມານທັງໝົດຂອງລາວ, ໂດຍຍົກໃຈຂອງເຈົ້າຂຶ້ນຫາເຮົາໃນຄຳອະທິຖານ ແລະ ສັດທາສະເໝີ, ເພື່ອການປົດປ່ອຍຂອງລາວ ແລະ ຂອງເຈົ້າ; ເພາະເຮົາໄດ້ມອບພະລັງໃຫ້ແກ່ລາວ ເພື່ອເສີມສ້າງ ກສາດສະໜາຈັກຂອງເຮົາຂຶ້ນໃນບັນດາ ຂຊາວເລມັນ;
7 ແລະ ບໍ່ມີຄົນໃດທີ່ເຮົາໄດ້ແຕ່ງຕັ້ງໃຫ້ເປັນທີ່ປຶກສາ ກຂອງລາວໃນສາດສະໜາຈັກ, ກ່ຽວກັບເລື່ອງຂອງສາດສະໜາຈັກ, ຍົກເວັ້ນແຕ່ອ້າຍນ້ອງຂອງລາວ, ໂຈເຊັບ ສະມິດ, ຜູ້ລູກ.
8 ດັ່ງນັ້ນ, ຈົ່ງເອົາໃຈໃສ່ຕໍ່ສິ່ງເຫລົ່ານີ້ ແລະ ຈົ່ງພາກພຽນໃນການຮັກສາບັນຍັດຂອງເຮົາ, ແລະ ເຈົ້າຈະໄດ້ຮັບພອນໄປສູ່ຊີວິດນິລັນດອນ. ອາແມນ.
9 ຈົ່ງເບິ່ງ, ເຮົາກ່າວກັບເຈົ້າ, ຜູ້ຮັບໃຊ້ຂອງເຮົາ ຈອນ, ວ່ານັບຈາກເວລານີ້ໄປ ເຈົ້າຈົ່ງອອກໄປ ກປະກາດ ພຣະກິດຕິຄຸນຂອງເຮົາ, ຄືກັບວ່າ ຂສຽງແກ.
10 ແລະ ການທຳງານຂອງເຈົ້າຈະເປັນຢູ່ທີ່ເຮືອນຂອງອ້າຍນ້ອງຂອງເຈົ້າ ຟີລິບ ເບີໂລ, ແລະ ໃນພາກພື້ນທີ່ອ້ອມຮອບ, ແທ້ຈິງແລ້ວ, ບ່ອນໃດກໍຕາມທີ່ຄົນຈະຟັງເຈົ້າ, ຈົນກວ່າເຮົາຈະບັນຊາເຈົ້າໃຫ້ໄປຈາກທີ່ນັ້ນ.
11 ແລະ ການທຳງານທັງໝົດຂອງເຈົ້າຈະເປັນຢູ່ໃນຊີໂອນ, ດ້ວຍສຸດຈິດວິນຍານຂອງເຈົ້າ, ນັບແຕ່ນີ້ເປັນຕົ້ນໄປ; ແທ້ຈິງແລ້ວ, ເຈົ້າຈະເປີດປາກຂອງເຈົ້າໃນອຸດົມການຂອງເຮົາສະເໝີ, ໂດຍບໍ່ ກຢ້ານວ່າ ຂມະນຸດ ຈະສາມາດເຮັດຫຍັງ, ເພາະເຮົາ ຄຢູ່ນຳເຈົ້າ. ອາແມນ.