ພາກທີ 80
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ ໃຫ້ແກ່ສະຕີບເວັນ ເບີແນັດ, ທີ່ເມືອງໄຮຣຳ, ລັດໂອໄຮໂອ, ວັນທີ 7 ເດືອນມີນາ, 1832.
1–5, ສະຕີບເວັນ ເບີແນັດ ແລະ ອີເດັນ ສະມິດ ໄດ້ຖືກເອີ້ນໃຫ້ສັ່ງສອນໃນບ່ອນໃດກໍຕາມທີ່ເຂົາເຈົ້າເລືອກ.
1 ຕາມຄວາມຈິງແລ້ວ, ພຣະຜູ້ເປັນເຈົ້າໄດ້ກ່າວດັ່ງນີ້ກັບເຈົ້າ ຜູ້ຮັບໃຊ້ຂອງເຮົາ ສະຕີບເວັນ ເບີແນັດ: ເຈົ້າຈົ່ງອອກໄປ, ເຈົ້າຈົ່ງອອກໄປໃນໂລກ ແລະ ກສັ່ງສອນພຣະກິດຕິຄຸນໃຫ້ແກ່ມະນຸດສະໂລກທັງໝົດທີ່ໄດ້ຍິນສຽງຂອງເຈົ້າ.
2 ແລະ ຕາບໃດທີ່ເຈົ້າຍັງປາດຖະໜາເພື່ອນຮ່ວມງານ, ເຮົາຈະມອບຜູ້ຮັບໃຊ້ຂອງເຮົາ ອີເດັນ ສະມິດ ໃຫ້ເຈົ້າ.
3 ດັ່ງນັ້ນ, ເຈົ້າຈົ່ງອອກໄປ ແລະ ສັ່ງສອນພຣະກິດຕິຄຸນຂອງເຮົາ, ບໍ່ວ່າຈະໄປເໜືອ ຫລື ໃຕ້, ໄປພາກຕາເວັນອອກ ຫລື ຕາເວັນຕົກ, ມັນບໍ່ສຳຄັນ, ເພາະເຈົ້າບໍ່ສາມາດໄປຜິດທາງ.
4 ສະນັ້ນ, ຈົ່ງປະກາດສິ່ງທີ່ເຈົ້າໄດ້ຍິນ, ແລະ ເຊື່ອຢ່າງແທ້ຈິງ, ແລະ ກຮູ້ວ່າເປັນຄວາມຈິງ.
5 ຈົ່ງເບິ່ງ, ນີ້ຄືພຣະປະສົງຂອງພຣະອົງຜູ້ໄດ້ ກເອີ້ນເຈົ້າ, ພຣະຜູ້ໄຖ່ຂອງເຈົ້າ, ແມ່ນແຕ່ພຣະເຢຊູຄຣິດ. ອາແມນ.