ພາກທີ 55
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ ແກ່ວິວລຽມ ດັບເບິນຢູ ແຟ້ວສ໌, ທີ່ເມືອງເຄີດແລນ, ລັດໂອໄຮໂອ, ວັນທີ 14 ເດືອນມິຖຸນາ, 1831. ວິວລຽມ ດັບເບິນຢູ ແຟ້ວສ໌ ຜູ້ເປັນນັກພິມ, ແລະ ຄອບຄົວຂອງລາວຫາກໍມາເຖິງເມືອງເຄີດແລນ, ແລະ ສາດສະດາໄດ້ທູນຖາມພຣະຜູ້ເປັນເຈົ້າສຳລັບຂໍ້ມູນກ່ຽວກັບລາວ.
1–3, ວິວລຽມ ດັບເບິນຢູ ແຟ້ວສ໌ ໄດ້ຖືກເອີ້ນ ແລະ ໄດ້ຖືກເລືອກໃຫ້ຮັບບັບຕິສະມາ, ໄດ້ຖືກແຕ່ງຕັ້ງເປັນແອວເດີ, ແລະ ໃຫ້ສັ່ງສອນພຣະກິດຕິຄຸນ; 4, ລາວຕ້ອງຂຽນປຶ້ມສຳລັບເດັກນ້ອຍໃນໂຮງຮຽນຂອງສາດສະໜາຈັກ; 5–6, ລາວຕ້ອງເດີນທາງໄປລັດມີເຊີຣີ, ຊຶ່ງຈະເປັນເຂດບ່ອນທຳງານຂອງລາວ.
1 ຈົ່ງເບິ່ງ, ພຣະຜູ້ເປັນເຈົ້າໄດ້ກ່າວດັ່ງນີ້ກັບເຈົ້າ, ຜູ້ຮັບໃຊ້ຂອງເຮົາ ວິວລຽມ, ແທ້ຈິງແລ້ວ, ແມ່ນແຕ່ ພຣະຜູ້ເປັນເຈົ້າຂອງທັງ ກແຜ່ນດິນໂລກ, ເຈົ້າໄດ້ຖືກເອີ້ນ ແລະ ໄດ້ຖືກເລືອກ; ແລະ ຫລັງຈາກເຈົ້າໄດ້ຮັບ ຂບັບຕິສະມາໂດຍນ້ຳແລ້ວ, ຊຶ່ງຖ້າຫາກເຈົ້າເຮັດເພາະການທີ່ເຫັນແກ່ລັດສະໝີພາບຂອງເຮົາແຕ່ຢ່າງດຽວ, ເຈົ້າຈະໄດ້ຮັບການປົດບາບຂອງເຈົ້າ ແລະ ໄດ້ຮັບພຣະວິນຍານສັກສິດໂດຍການວາງ ຄມື;
2 ແລະ ຈາກນັ້ນເຈົ້າຈະໄດ້ຮັບການແຕ່ງຕັ້ງໂດຍມືຂອງຜູ້ຮັບໃຊ້ຂອງເຮົາ ໂຈເຊັບ ສະມິດ, ຜູ້ລູກ ໃຫ້ເປັນແອວເດີສຳລັບສາດສະໜາຈັກນີ້, ເພື່ອສັ່ງສອນການກັບໃຈ ແລະ ກການປົດບາບໂດຍແບບແຜນຂອງການບັບຕິສະມາໃນພຣະນາມຂອງພຣະເຢຊູຄຣິດ, ພຣະບຸດຂອງພຣະເຈົ້າຜູ້ຊົງພຣະຊົນຢູ່.
3 ແລະ ຄົນໃດກໍຕາມທີ່ເຈົ້າຈະວາງມືໃສ່, ຖ້າຫາກເຂົາສຳນຶກຜິດຢູ່ຕໍ່ໜ້າເຮົາ, ເຈົ້າຈະມີອຳນາດທີ່ຈະມອບພຣະວິນຍານສັກສິດໃຫ້.
4 ແລະ ອີກເທື່ອໜຶ່ງ, ເຈົ້າຈະໄດ້ຮັບການແຕ່ງຕັ້ງໃຫ້ຊ່ວຍເຫລືອຜູ້ຮັບໃຊ້ຂອງເຮົາ ອໍລີເວີ ຄາວເດີຣີ ເຮັດ ວຽກງານເລື່ອງການພິມ, ແລະ ການເລືອກ ແລະ ການຂຽນ ກປຶ້ມສຳລັບໂຮງຮຽນໃນສາດສະໜາຈັກນີ້, ເພື່ອວ່າເດັກນ້ອຍໆຈະໄດ້ຮັບຄຳແນະນຳຢູ່ຕໍ່ໜ້າເຮົານຳອີກ ດັ່ງທີ່ໜ້າພໍໃຈສຳລັບເຮົາ.
5 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບເຈົ້າວ່າ ເພາະເຫດນີ້ເຈົ້າຈະຕ້ອງອອກເດີນທາງໄປກັບຜູ້ຮັບໃຊ້ຂອງເຮົາ ໂຈເຊັບ ສະມິດ, ຜູ້ລູກ, ແລະ ຊິດນີ ຣິກດອນ, ເພື່ອວ່າເຈົ້າຈະໄດ້ ກຕັ້ງຮາກຖານຢູ່ໃນ ແຜ່ນດິນມູນມໍລະດົກຂອງເຈົ້າ ເພື່ອເຮັດວຽກງານນີ້.
6 ແລະ ອີກເທື່ອໜຶ່ງ, ໃຫ້ຜູ້ຮັບໃຊ້ຂອງເຮົາ ໂຈເຊັບ ໂຄ ອອກເດີນທາງໄປກັບພວກເຂົາຄືກັນ. ສ່ວນທີ່ເຫລືອຢູ່ຈະຖືກເຮັດໃຫ້ເປັນທີ່ຮູ້ຈັກໃນພາຍໜ້າ, ແມ່ນແຕ່ດັ່ງທີ່ເຮົາປະສົງ. ອາແມນ.