ພາກທີ 15
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາແກ່ຈອນ ວິດເມີ, ທີ່ເມືອງເຟແອດ, ລັດນິວຢອກ, ເດືອນມິຖຸນາ 1829 (ເບິ່ງ ຫົວຂໍ້ຂອງ ພາກທີ 14). ຂ່າວສານແມ່ນສ່ວນຕົວ ແລະ ໜ້າປະທັບໃຈຫລາຍ ຊຶ່ງໃນນັ້ນພຣະຜູ້ເປັນເຈົ້າບອກເຖິງສິ່ງທີ່ຈອນ ວິດເມີ ແລະ ພຣະອົງເອງຮູ້ເທົ່ານັ້ນ. ຕໍ່ມາຈອນ ວິດເມີ ໄດ້ກາຍເປັນພະຍານຄົນໜຶ່ງໃນພະຍານແປດຄົນເຖິງພຣະຄຳພີມໍມອນ.
1–2, ພຣະພາຫາຂອງພຣະຜູ້ເປັນເຈົ້າມີຢູ່ທົ່ວແຜ່ນດິນໂລກ; 3–6, ການສັ່ງສອນພຣະກິດຕິຄຸນ ແລະ ການຊ່ວຍກູ້ຈິດວິນຍານແມ່ນສິ່ງທີ່ມີຄຸນຄ່າທີ່ສຸດ.
1 ຈົ່ງເຊື່ອຟັງ, ຜູ້ຮັບໃຊ້ຂອງເຮົາ ຈອນ, ແລະ ຟັງພຣະຄຳຂອງພຣະເຢຊູຄຣິດ, ພຣະຜູ້ເປັນເຈົ້າຂອງເຈົ້າ ແລະ ພຣະຜູ້ໄຖ່ຂອງເຈົ້າ.
2 ເພາະຈົ່ງເບິ່ງ, ເຮົາກ່າວກັບເຈົ້າຢ່າງໜັກແໜ້ນ ແລະ ດ້ວຍ ກອຳນາດ, ເພາະແຂນຂອງເຮົາມີຢູ່ທົ່ວແຜ່ນດິນໂລກ.
3 ແລະ ເຮົາຈະບອກເຈົ້າເຖິງສິ່ງທີ່ບໍ່ມີຄົນໃດຮູ້ ນອກຈາກເຮົາ ແລະ ເຈົ້າເທົ່ານັ້ນ—
4 ເພາະຫລາຍເທື່ອ ເຈົ້າປາດຖະໜາຢາກຮູ້ຈາກເຮົາ ເຖິງສິ່ງທີ່ມີຄຸນຄ່າທີ່ສຸດສຳລັບເຈົ້າ.
5 ຈົ່ງເບິ່ງ, ເຈົ້າເປັນສຸກແລ້ວເພາະສິ່ງນີ້, ແລະ ເພາະການກ່າວຄຳຂອງເຮົາ ຊຶ່ງເຮົາໄດ້ມອບໃຫ້ແກ່ເຈົ້າ ຕາມບັນຍັດຂອງເຮົາ.
6 ແລະ ບັດນີ້, ຈົ່ງເບິ່ງ, ເຮົາກ່າວກັບເຈົ້າວ່າ ສິ່ງທີ່ມີຄຸນຄ່າທີ່ສຸດສຳລັບເຈົ້າແມ່ນ ກການປະກາດການກັບໃຈແກ່ຜູ້ຄົນພວກນີ້, ເພື່ອວ່າເຈົ້າຈະໄດ້ນຳຈິດວິນຍານມາຫາເຮົາ, ເພື່ອເຈົ້າຈະໄດ້ ຂພັກຜ່ອນນຳເຂົາໃນ ຄອານາຈັກຂອງ ງພຣະບິດາຂອງເຮົາ. ອາແມນ.