ພາກທີ 69
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ, ທີ່ເມືອງໄຮຣຳ, ລັດໂອໄຮໂອ, ວັນທີ 11 ເດືອນພະຈິກ, 1831. ການເປີດເຜີຍທີ່ຖືກຮວບຮວມໄວ້ໂດຍຕັ້ງໃຈທີ່ຈະພິມໃນບໍ່ດົນນັ້ນໄດ້ຮັບການເຫັນພ້ອມຢູ່ທີ່ກອງປະຊຸມໃຫຍ່ພິເສດ ໃນວັນທີ 1–2 ເດືອນພະຈິກ. ໃນວັນທີ 3, ການເປີດເຜີຍໃນນີ້ຖືກຕື່ມໃສ່ອີກເປັນພາກທີ 133, ຕໍ່ມາ ພາກຫ້ອຍທ້າຍ ໄດ້ຖືກຕື່ມໃສ່. ອໍລີເວີ ຄາວເດີຣີ ໄດ້ຖືກມອບໝາຍລ່ວງໜ້າແລ້ວ ໃຫ້ນຳເອົາຕົ້ນສະບັບການເປີດເຜີຍ ແລະ ພຣະບັນຍັດທີ່ຮວບຮວມໄວ້ແລ້ວໄປພິມທີ່ເມືອງອິນດີເພັນເດັນສ໌, ລັດມີເຊີຣີ. ລາວຕ້ອງເອົາເງິນທີ່ໄດ້ຮັບບໍລິຈາກສຳລັບການເສີມສ້າງສາດສະໜາຈັກຢູ່ໃນລັດມີເຊີຣີໄປດ້ວຍ. ການເປີດເຜີຍນີ້ ແນະນຳຈອນ ວິດເມີ ໃຫ້ເດີນທາງໄປກັບອໍລີເວີ ຄາວເດີຣີ ແລະ ກໍຍັງແນະນຳທ່ານວິດເມີ ໃຫ້ເດີນທາງ ແລະ ຮວບຮວມເລື່ອງລາວປະຫວັດສາດ ໃນການເອີ້ນຂອງເພິ່ນ ໃນຖານະທີ່ເປັນນັກປະຫວັດສາດ ແລະ ຜູ້ບັນທຶກ ຂອງສາດສະໜາຈັກ.
1–2, ຈອນ ວິດເມີ ຕ້ອງເດີນທາງໄປລັດມີເຊີຣີກັບ ອໍລີເວີ ຄາວເດີຣີ; 3–8, ລາວຕ້ອງໄດ້ສັ່ງສອນ ແລະ ເກັບກຳ, ບັນທຶກ, ແລະ ຂຽນເລື່ອງລາວປະຫວັດສາດໄວ້ນຳອີກ.
1 ຈົ່ງເຊື່ອຟັງເຮົາ, ພຣະຜູ້ເປັນເຈົ້າອົງເປັນພຣະເຈົ້າຂອງເຈົ້າໄດ້ກ່າວ, ເພາະເຫັນແກ່ຜູ້ຮັບໃຊ້ຂອງເຮົາ ກອໍລີເວີ ຄາວເດີຣີ. ເຮົາເຫັນວ່າມັນບໍ່ໄດ້ເປັນຄວາມສະຫລຽວສະຫລາດ ທີ່ລາວຈະໄດ້ຮັບການຝາກຝັງດ້ວຍບັນຍັດ ແລະ ດ້ວຍເງິນ ຊຶ່ງລາວຈະຕ້ອງເອົາໄປຫາແຜ່ນດິນຊີໂອນ, ຍົກເວັ້ນແຕ່ມີຄົນໜຶ່ງໄປກັບລາວ ຄົນທີ່ຈິງຈັງ ແລະ ຊື່ສັດ.
2 ດັ່ງນັ້ນ, ເຮົາ, ພຣະຜູ້ເປັນເຈົ້າ, ປະສົງໃຫ້ຜູ້ຮັບໃຊ້ຂອງເຮົາ, ກຈອນ ວິດເມີ, ໄປກັບຜູ້ຮັບໃຊ້ຂອງເຮົາ ອໍລີເວີ ຄາວເດີຣີ;
3 ແລະ ພ້ອມນີ້ກໍໃຫ້ລາວສືບຕໍ່ຂຽນ ແລະ ບັນທຶກ ກປະຫວັດສາດຂອງທຸກເລື່ອງທີ່ສຳຄັນ ຊຶ່ງລາວຈະສັງເກດເຫັນ ແລະ ຮູ້ກ່ຽວກັບສາດສະໜາຈັກຂອງເຮົາ;
4 ແລະ ພ້ອມນີ້ກໍໃຫ້ລາວໄດ້ຮັບ ກຄຳແນະນຳ ແລະ ຄວາມຊ່ວຍເຫລືອຈາກຜູ້ຮັບໃຊ້ຂອງເຮົາ ອໍລີເວີ ຄາວເດີຣີ ແລະ ຄົນອື່ນໆນຳອີກ.
5 ແລະ ພ້ອມນີ້, ຜູ້ຮັບໃຊ້ຂອງເຮົາທີ່ຢູ່ທົ່ວໄປໃນແຜ່ນດິນໂລກຄວນສົ່ງເລື່ອງລາວກ່ຽວກັບ ກການພິທັກຮັກສາຂອງພວກເຂົາໄປຍັງແຜ່ນດິນຊີໂອນນຳອີກ;
6 ເພາະແຜ່ນດິນຊີໂອນຈະເປັນແຫລ່ງ ແລະ ສະຖານທີ່ຮັບ ແລະ ເຮັດທຸກສິ່ງເຫລົ່ານີ້ທັງໝົດ.
7 ເຖິງຢ່າງໃດກໍຕາມ, ໃຫ້ຜູ້ຮັບໃຊ້ຂອງເຮົາ ຈອນ ວິດເມີ ເດີນທາງຫລາຍເທື່ອຈາກບ່ອນໜຶ່ງໄປຫາອີກບ່ອນໜຶ່ງ, ແລະ ຈາກໜ່ວຍຂອງສາດສະໜາຈັກໜຶ່ງໄປຫາອີກໜ່ວຍໜຶ່ງ, ເພື່ອວ່າລາວຈະໄດ້ຮັບຄວາມຮູ້ງ່າຍຂຶ້ນ—
8 ໂດຍສັ່ງສອນ ແລະ ອະທິບາຍ, ຂຽນ, ກ່າຍ, ເລືອກ, ແລະ ຮັບເອົາທຸກສິ່ງທັງປວງ ທີ່ຈະເປັນປະໂຫຍດໃຫ້ແກ່ສາດສະໜາຈັກ, ແລະ ເພື່ອຄົນລຸ້ນໃໝ່ທີ່ຈະເຕີບໂຕຂຶ້ນໃນແຜ່ນດິນ ກຊີໂອນ, ຈະໄດ້ຮັບມັນ ຈາກລຸ້ນສູ່ລຸ້ນ, ຕະຫລອດການ ແລະ ຕະຫລອດໄປ. ອາແມນ.