ພາກທີ 71
ການເປີດເຜີຍທີ່ມອບໃຫ້ແກ່ໂຈເຊັບ ສະມິດ ຜູ້ເປັນສາດສະດາ ແລະ ຊິດນີ ຣິກດອນ, ທີ່ເມືອງໄຮຣຳ, ລັດໂອໄຮໂອ, ວັນທີ 1 ເດືອນທັນວາ, 1831. ສາດສະດາໄດ້ສືບຕໍ່ແປພຣະຄຣິສຕະທຳຄຳພີ ໂດຍມີຊິດນີ ຣິກດອນ ເປັນຜູ້ຂຽນໃຫ້ເພິ່ນ ຈົນກວ່າໄດ້ຮັບການເປີດເຜີຍນີ້, ຊຶ່ງເວລານັ້ນໄດ້ຢຸດການທຳງານໄວ້ຊົ່ວຄາວເພື່ອວ່າພວກເພິ່ນຈະໄດ້ບັນລຸຕາມຄຳແນະນຳທີ່ມອບໃຫ້ໃນນັ້ນ. ພວກເພິ່ນຕ້ອງໄດ້ອອກໄປສັ່ງສອນ ເພື່ອບັນເທົາຄວາມຮູ້ສຶກ ບໍ່ດີທີ່ເກີດຂຶ້ນກັບສາດສະໜາຈັກ ອັນເປັນສາເຫດຈາກຈົດໝາຍຂອງນາຍເອຊະຣາ ບູທ໌ ຢູ່ໃນໜັງສືພິມ, ຜູ້ໄດ້ປະຖິ້ມຄວາມເຊື່ອໄປແລ້ວ.
1–4, ໂຈເຊັບ ສະມິດ ແລະ ຊິດນີ ຣິກດອນ ໄດ້ຖືກສົ່ງອອກໄປປະກາດພຣະກິດຕິຄຸນ; 5–11, ສັດຕູຂອງໄພ່ພົນຂອງພຣະເຈົ້າຈະຖືກເຮັດໃຫ້ງົງງັນ.
1 ຈົ່ງເບິ່ງ, ພຣະຜູ້ເປັນເຈົ້າໄດ້ກ່າວດັ່ງນີ້ກັບເຈົ້າ ຜູ້ຮັບໃຊ້ຂອງເຮົາ ໂຈເຊັບ ສະມິດ, ຜູ້ລູກ, ແລະ ກຊິດນີ ຣິກດອນ, ວ່າຕາມຄວາມຈິງແລ້ວ ເວລາໄດ້ມາເຖິງ ຊຶ່ງມັນຈຳເປັນ ແລະ ເຮົາເຫັນວ່າເໝາະສົມທີ່ພວກເຈົ້າຈະເປີດປາກຂອງພວກເຈົ້າເພື່ອ ຂປະກາດພຣະກິດຕິຄຸນຂອງເຮົາ, ເລື່ອງຂອງອານາຈັກ, ໂດຍອະທິບາຍ ຄຄວາມລຶກລັບໃນນັ້ນຈາກພຣະຄຳພີ, ຕາມສ່ວນນັ້ນຂອງພຣະວິນຍານ ແລະ ອຳນາດ ຊຶ່ງຈະຖືກມອບໃຫ້ແກ່ພວກເຈົ້າ, ແມ່ນແຕ່ເໝືອນດັ່ງທີ່ເຮົາປະສົງ.
2 ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ຈົ່ງປະກາດແກ່ໂລກໃນພາກພື້ນຕ່າງໆທີ່ອ້ອມຮອບ, ແລະ ໃນສາດສະໜາຈັກນຳອີກ, ຊ່ວງໄລຍະເວລາໜຶ່ງ, ແມ່ນແຕ່ຈົນກວ່າມັນຈະຖືກເຮັດໃຫ້ເປັນທີ່ຮູ້ຈັກ ແກ່ພວກເຈົ້າ.
3 ຕາມຄວາມຈິງແລ້ວ ນີ້ຄືພາລະກິດໃນຊ່ວງໄລຍະເວລາໜຶ່ງ, ຊຶ່ງເຮົາໄດ້ມອບໃຫ້ແກ່ພວກເຈົ້າ.
4 ດັ່ງນັ້ນ, ພວກເຈົ້າຈົ່ງເຮັດວຽກງານຢູ່ໃນສວນອະງຸ່ນຂອງເຮົາ. ຈົ່ງເອີ້ນຫາຜູ້ອາໄສຂອງແຜ່ນດິນໂລກ, ແລະ ກ່າວເປັນພະຍານ, ແລະ ຕຽມວິທີທາງສຳລັບບັນຍັດ ແລະ ການເປີດເຜີຍ ຊຶ່ງຈະມາເຖິງ.
5 ບັດນີ້, ຈົ່ງເບິ່ງ ນີ້ຄືປັນຍາ; ຜູ້ໃດກໍຕາມທີ່ອ່ານ, ກໍໃຫ້ເຂົາ ກເຂົ້າໃຈ ແລະ ຂຮັບເອົານຳອີກ;
6 ເພາະແກ່ຄົນທີ່ຮັບເອົາ ມັນຈະຖືກມອບໃຫ້ຢ່າງ ກຫລວງຫລາຍ, ແມ່ນແຕ່ອຳນາດ.
7 ດັ່ງນັ້ນ, ຈົ່ງເຮັດໃຫ້ສັດຕູຂອງພວກເຈົ້າ ກງົງງັນ; ຈົ່ງເອີ້ນໃຫ້ພວກເຂົາມາ ຂພົບກັບພວກເຈົ້າທັງໃນສາທາລະນະຊົນ ແລະ ໃນບ່ອນທີ່ເປັນສ່ວນຕົວ; ແລະ ຕາບໃດທີ່ພວກເຈົ້າຍັງຊື່ສັດ ຄວາມອັບອາຍຂອງພວກເຂົາ ຈະຖືກສະແດງໃຫ້ປະຈັກ.
8 ດັ່ງນັ້ນ, ໃຫ້ພວກເຂົານຳຄຳໂຕ້ແຍ້ງອັນມີພະລັງຂອງພວກເຂົາມາກ່າວຕ້ານພຣະຜູ້ເປັນເຈົ້າ.
9 ຕາມຄວາມຈິງແລ້ວ, ພຣະຜູ້ເປັນເຈົ້າໄດ້ກ່າວດັ່ງນີ້ກັບພວກເຈົ້າ—ວ່າບໍ່ມີ ກອາວຸດໃດທີ່ຖືກປະກອບຂຶ້ນເພື່ອ ຕໍ່ຕ້ານພວກເຈົ້າຈະ ຈະເລີນໄດ້;
10 ແລະ ຖ້າຫາກຄົນໃດເປີດປາກຂອງເຂົາກ່າວຕ້ານພວກເຈົ້າ ເຂົາຈະຖືກເຮັດໃຫ້ງົງງັນໃນເວລາອັນເໝາະສົມຂອງເຮົາເອງ.
11 ດັ່ງນັ້ນ, ຈົ່ງຮັກສາບັນຍັດຂອງເຮົາ; ມັນເປັນຄວາມຈິງ ແລະ ຊື່ສັດ. ແມ່ນເປັນດັ່ງນັ້ນ. ອາແມນ.