ພາກທີ 37
ການເປີດເຜີຍທີ່ມອບໃຫ້ແກ່ໂຈເຊັບ ສະມິດ ຜູ້ເປັນສາດສະດາ ແລະ ຊິດນີ ຣິກດອນ, ໃກ້ເມືອງເຟແອດ, ລັດນິວຢອກ, ເດືອນທັນວາ 1830. ໃນນີ້ ພຣະບັນຍັດຂໍ້ທຳອິດໄດ້ຖືກມອບໃຫ້ກ່ຽວກັບການເຕົ້າໂຮມໃນຍຸກສະໄໝນີ້.
1–4, ໄພ່ພົນຂອງພຣະເຈົ້າຖືກເອີ້ນໃຫ້ໄປເຕົ້າໂຮມກັນຢູ່ລັດໂອໄຮໂອ.
1 ຈົ່ງເບິ່ງ, ເຮົາກ່າວກັບພວກເຈົ້າວ່າ ເຮົາເຫັນວ່າບໍ່ເໝາະສົມທີ່ພວກເຈົ້າຈະ ກແປຕື່ມອີກ ຈົນກວ່າພວກເຈົ້າໄປເຖິງລັດໂອໄຮໂອ, ແລະ ນີ້ເປັນເພາະສັດຕູຂອງພວກເຈົ້າ ແລະ ເພື່ອເຫັນແກ່ພວກເຈົ້າ.
2 ແລະ ອີກເທື່ອໜຶ່ງ, ເຮົາກ່າວກັບພວກເຈົ້າວ່າ ພວກເຈົ້າຈະບໍ່ໄປ ຈົນກວ່າພວກເຈົ້າໄດ້ສັ່ງສອນພຣະກິດຕິຄຸນຂອງເຮົາໃນຂົງເຂດນັ້ນກ່ອນ, ແລະ ໄດ້ເພີ່ມຄວາມເຂັ້ມແຂງໃຫ້ສາດສະໜາຈັກບໍ່ວ່າບ່ອນໃດກໍຕາມທີ່ມີຢູ່, ແລະ ໂດຍສະເພາະຢ່າງຍິ່ງໃນເມືອງ ກໂຄນສະວຽວ; ເພາະ, ຈົ່ງເບິ່ງ, ພວກເຂົາໄດ້ອະທິຖານຫາເຮົາດ້ວຍສັດທາຢ່າງຫລວງຫລາຍ.
3 ແລະ ອີກເທື່ອໜຶ່ງ, ເຮົາມອບບັນຍັດຂໍ້ໜຶ່ງໃຫ້ແກ່ສາດສະໜາຈັກ, ວ່າເຮົາເຫັນສົມຄວນທີ່ພວກເຂົາຈະໄປເຕົ້າໂຮມກັນຢູ່ລັດ ກໂອໄຮໂອ, ເພື່ອຕຽມສຳລັບເວລາທີ່ຜູ້ຮັບໃຊ້ຂອງເຮົາ ອໍລີເວີ ຄາວເດີຣີ ຈະກັບມາຫາພວກເຂົາ.
4 ຈົ່ງເບິ່ງ, ນີ້ຄືປັນຍາ, ແລະ ໃຫ້ມະນຸດທຸກຄົນ ກເລືອກເພື່ອຕົນເອງຈົນກວ່າເຮົາຈະມາ. ແມ່ນເປັນດັ່ງນັ້ນ. ອາແມນ.