ພາກທີ 113
ຄຳຕອບຕໍ່ຄຳຖາມບາງຢ່າງກ່ຽວກັບການຂຽນຂອງເອຊາຢາ, ໄດ້ຖືກມອບໃຫ້ໂດຍໂຈເຊັບ ສະມິດ ຜູ້ເປັນສາດສະດາ, ຢູ່ທີ່ ຫລື ໃກ້ເມືອງຟາແວັດ, ລັດມີເຊີຣີ, ເດືອນມີນາ 1838.
1–6, ຍາດວົງຂອງເຢຊີ, ກິ່ງງ່າທີ່ອອກມາຈາກທີ່ນັ້ນ, ແລະ ຮາກຂອງເຢຊີຖືກແຈ້ງບອກ; 7–10, ຜູ້ທີ່ເຫລືອຢູ່ຂອງຊີໂອນທີ່ໄດ້ກະຈັດກະຈາຍໄປມີສິດໃນຖານະປະໂລຫິດ ແລະ ຖືກເອີ້ນໃຫ້ກັບໄປຫາພຣະຜູ້ເປັນເຈົ້າ.
1 ຜູ້ເປັນຍາດວົງຂອງ ກເຢຊີໄດ້ກ່າວເຖິງຢູ່ໃນຂໍ້ທີ 1, 2, 3, 4, ແລະ 5 ຂອງບົດທີ 11 ຂອງເອຊາຢາ?
2 ຕາມຄວາມຈິງແລ້ວ ພຣະຜູ້ເປັນເຈົ້າໄດ້ກ່າວດັ່ງນີ້: ນີ້ຄືພຣະຄຣິດ.
3 ແມ່ນຫຍັງຄືກິ່ງງ່າທີ່ໄດ້ກ່າວເຖິງຢູ່ໃນຂໍ້ທຳອິດຂອງບົດທີ 11 ຂອງ ເອຊາຢາ, ວ່າຈະມາຈາກຍາດວົງຂອງເຢຊີ?
4 ຈົ່ງເບິ່ງ, ພຣະຜູ້ເປັນເຈົ້າໄດ້ກ່າວດັ່ງນີ້: ນີ້ຄືຜູ້ຮັບໃຊ້ຄົນໜຶ່ງຢູ່ໃນພຣະຫັດຂອງພຣະຄຣິດ, ຜູ້ເປັນພາກສ່ວນໜຶ່ງທີ່ສືບຕະກຸນຂອງເຢຊີ ເຊັ່ນດຽວກັບ ກເອຟະຣາອີມ, ຫລື ເປັນເຊື້ອສາຍຂອງໂຢເຊັບ, ຜູ້ຊຶ່ງມີ ຂອຳນາດໃຫ້ໄວ້ຢ່າງຫລວງຫລາຍ.
5 ແມ່ນຫຍັງຄືຮາກຂອງເຢຊີທີ່ກ່າວເຖິງຢູ່ໃນຂໍ້ທີ 10 ຂອງບົດທີ 11?
6 ຈົ່ງເບິ່ງ, ພຣະຜູ້ເປັນເຈົ້າໄດ້ກ່າວດັ່ງນີ້, ນີ້ຄືຜູ້ສືບຕະກຸນຂອງເຢຊີ, ເຊັ່ນດຽວກັບຂອງໂຢເຊັບ, ຊຶ່ງມີສິດທີ່ຈະຮັບຖານະປະໂລຫິດຢ່າງຖືກຕ້ອງ, ແລະ ກຂໍກະແຈຂອງອານາຈັກ, ເພື່ອເປັນ ຂທຸງສັນຍານ, ແລະ ເພື່ອ ຄການເຕົ້າໂຮມຂອງຜູ້ຄົນຂອງເຮົາໃນຍຸກສຸດທ້າຍ.
7 ຄຳຖາມໂດຍອີລາຍ ຮິກບີ: ແມ່ນຫຍັງຄືຄວາມໝາຍຂອງພຣະບັນຊາໃນ ເອຊາຢາ, ບົດທີ 52, ຂໍ້ ທີ 1, ຊຶ່ງໄດ້ກ່າວວ່າ: ຈົ່ງເຂັ້ມແຂງຍິ່ງໃຫຍ່, ໂອ້ ຊີໂອນ—ແລະ ຜູ້ຄົນທີ່ເອຊາຢາໄດ້ກ່າວເຖິງ?
8 ເພິ່ນໄດ້ອ້າງເຖິງຄົນເຫລົ່ານັ້ນທີ່ພຣະເຈົ້າຈະເອີ້ນໃນຍຸກສຸດທ້າຍ, ຜູ້ທີ່ຈະດຳລົງອຳນາດຂອງຖານະປະໂລຫິດ ເພື່ອນຳ ກຊີໂອນມາອີກ, ແລະ ການໄຖ່ອິດສະຣາເອນ; ແລະ ການສວມ ຂກຳລັງຂອງນາງຄືການສວມສິດອຳນາດຂອງ ຖານະປະໂລຫິດ, ຊຶ່ງນາງ, ຊີໂອນ, ມີ ຄສິດໂດຍທາຍາດ; ຄືການກັບຄືນມາສູ່ອຳນາດນັ້ນນຳອີກທີ່ນາງໄດ້ສູນເສຍໄປ.
9 ເຮົາຄວນເຂົ້າໃຈຢ່າງໃດໃນການທີ່ຊີໂອນໄດ້ຫລຸດໂສ້ທີ່ລ່າມຄໍຂອງນາງອອກ; ຂໍ້ທີ 2?
10 ເຮົາຄວນເຂົ້າໃຈວ່າ ຜູ້ທີ່ເຫລືອຢູ່ຊຶ່ງ ກກະຈັດຈະກາຍໄປ ໄດ້ຮັບຄຳແນະນຳໃຫ້ ຂກັບໄປຫາພຣະຜູ້ເປັນເຈົ້າ ຈາກບ່ອນທີ່ພວກເຂົາໄດ້ຕົກ; ຊຶ່ງຖ້າຫາກພວກເຂົາເຮັດ, ພຣະຜູ້ເປັນເຈົ້າສັນຍາວ່າ ຈະກ່າວກັບພວກເຂົາ, ຫລື ມອບການເປີດເຜີຍໃຫ້ແກ່ພວກເຂົາ; ເບິ່ງຂໍ້ທີ 6, 7, ແລະ 8. ໂສ້ທີ່ລ່າມຄໍຂອງນາງເປັນການສາບແຊ່ງຂອງພຣະເຈົ້າຕໍ່ນາງ, ຫລື ຜູ້ທີ່ເຫລືອຢູ່ຂອງອິດສະຣາເອນ ໃນສະພາບທີ່ກະຈັດຈະກາຍໄປຂອງພວກເຂົາ ໃນບັນດາຄົນຕ່າງຊາດ.