ພາກທີ 94
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ, ທີ່ເມືອງເຄີດແລນ, ລັດໂອໄຮໂອ, ວັນທີ 2 ເດືອນສິງຫາ 1833. ໄຮຣຳ ສະມິດ, ເຣນໂນ ຄາຫູນ, ແລະ ແຈເຣັດ ຄາດເທີ ໄດ້ຖືກແຕ່ງຕັ້ງໃຫ້ເປັນຄະນະກຳມະການຝ່າຍການສ້າງອາຄານຂອງສາດສະໜາຈັກ.
1–9, ພຣະຜູ້ເປັນເຈົ້າປະທານພຣະບັນຍັດຂໍ້ໜຶ່ງທີ່ກ່ຽວກັບການກໍ່ສ້າງບ້ານສຳລັບວຽກງານຂອງຝ່າຍປະທານສູງສຸດ; 10–12, ຈະຕ້ອງສ້າງໂຮງພິມ; 13–17, ມີການມອບໝາຍມູນມໍລະດົກບາງຢ່າງ.
1 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບພວກເຈົ້າ, ກເພື່ອນຂອງເຮົາ, ເຮົາຈະມອບບັນຍັດຂໍ້ໜຶ່ງໃຫ້ແກ່ພວກເຈົ້າ, ວ່າພວກເຈົ້າຈະເລີ່ມງານວາງແຜນ ແລະ ຕຽມເລີ່ມຕົ້ນສ້າງພື້ນຖານເມືອງຂອງ ຂສະເຕກແຫ່ງຊີໂອນ, ຢູ່ບ່ອນນີ້ໃນແຜ່ນດິນຂອງເມືອງເຄີດແລນ, ໂດຍການເລີ່ມຕົ້ນທີ່ບ້ານຂອງເຮົາກ່ອນ.
2 ແລະ ຈົ່ງເບິ່ງ, ມັນຕ້ອງເປັນໄປຕາມ ກແບບແຜນຊຶ່ງເຮົາໄດ້ມອບໃຫ້ແກ່ພວກເຈົ້າ.
3 ແລະ ໃຫ້ອຸທິດຖວາຍດິນແປງທຳອິດທີ່ຢູ່ທາງໃຕ້ແກ່ເຮົາເພື່ອສ້າງບ້ານສຳລັບຝ່າຍປະທານສູງສຸດ, ສຳລັບວຽກງານຂອງຝ່າຍປະທານສູງສຸດ, ໃນການຮັບການເປີດເຜີຍ; ແລະ ສຳລັບວຽກງານຂອງການປະຕິບັດສາດສະໜາກິດຂອງ ກຝ່າຍປະທານສູງສຸດ, ໃນທຸກສິ່ງທັງປວງທີ່ກ່ຽວຂ້ອງກັບສາດສະໜາຈັກ ແລະ ອານາຈັກ.
4 ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ຈົ່ງສ້າງມັນໃຫ້ກວ້າງຫ້າສິບຫ້າຟີດ (16 ແມັດ) ແລະ ຍາວຫົກສິບຫ້າຟີດ (19 ແມັດ), ຢູ່ຂ້າງໃນນັ້ນ.
5 ແລະ ຈະມີຊັ້ນລຸ່ມ ແລະ ຊັ້ນເທິງນຳອີກ, ຕາມແບບແຜນຊຶ່ງມັນຈະຖືກມອບໃຫ້ແກ່ພວກເຈົ້າຫລັງຈາກນີ້.
6 ແລະ ມັນຈະຕ້ອງຖືກອຸທິດຖວາຍໃຫ້ແກ່ພຣະຜູ້ເປັນເຈົ້າຈາກພື້ນຖານໃນນັ້ນ, ຕາມລະບຽບຂອງຖານະປະໂລຫິດ, ຕາມແບບແຜນຊຶ່ງມັນຈະຖືກມອບໃຫ້ແກ່ພວກເຈົ້າຫລັງຈາກນີ້.
7 ແລະ ບ້ານທັງຫລັງຈະຕ້ອງຖືກອຸທິດຖວາຍໃຫ້ແກ່ພຣະຜູ້ເປັນເຈົ້າສຳລັບວຽກງານຂອງຝ່າຍປະທານສູງສຸດ.
8 ແລະ ພວກເຈົ້າຈະບໍ່ຍອມໃຫ້ ກສິ່ງທີ່ບໍ່ສະອາດໃດໆເຂົ້າມາໃນນີ້; ແລະ ຂລັດສະໝີພາບຂອງເຮົາຈະຢູ່ໃນທີ່ນັ້ນ, ແລະ ເຮົາຈະປະທັບຢູ່ໃນທີ່ນັ້ນ.
9 ແຕ່ຖ້າຫາກ ກສິ່ງທີ່ບໍ່ສະອາດໃດໆໄດ້ເຂົ້າມາ, ລັດສະໝີພາບຂອງເຮົາຈະບໍ່ຢູ່ໃນທີ່ນັ້ນ; ແລະ ເຮົາຈະບໍ່ເຂົ້າໄປໃນທີ່ນັ້ນ.
10 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ດິນແປງທີສອງຢູ່ທາງໃຕ້ນັ້ນ ໃຫ້ອຸທິດຖວາຍມັນໃຫ້ແກ່ເຮົາສຳລັບການສ້າງບ້ານໃຫ້ແກ່ເຮົາ, ເພື່ອວຽກງານແຫ່ງ ກການພິມ ຂການແປພຣະຄຳພີຂອງເຮົາ, ແລະ ທຸກສິ່ງທັງປວງອັນໃດກໍຕາມທີ່ເຮົາຈະບັນຊາພວກເຈົ້າ.
11 ແລະ ມັນຈະກວ້າງຫ້າສິບຫ້າຟີດ (16 ແມັດ) ແລະ ຍາວຫົກສິບຫ້າຟີດ (19 ແມັດ), ຢູ່ຂ້າງໃນ; ແລະ ຈະມີຊັ້ນລຸ່ມ ແລະ ຊັ້ນເທິງນຳອີກ.
12 ແລະ ບ້ານທັງຫລັງຈະຕ້ອງຖືກອຸທິດຖວາຍໃຫ້ແກ່ພຣະຜູ້ເປັນເຈົ້າຈາກພື້ນຖານໃນນັ້ນ, ສຳລັບວຽກງານແຫ່ງການພິມ, ໃນທຸກສິ່ງທັງປວງອັນໃດກໍຕາມທີ່ເຮົາຈະບັນຊາພວກເຈົ້າ, ເພື່ອໃຫ້ສັກສິດ, ບໍ່ໝົ່ນໝອງ, ຕາມແບບແຜນໃນທຸກສິ່ງທັງປວງດັ່ງທີ່ມັນຈະຖືກມອບໃຫ້ແກ່ພວກເຈົ້າ.
13 ແລະ ດິນແປງທີສາມ ຈົ່ງມອບມັນໃຫ້ແກ່ຜູ້ຮັບໃຊ້ຂອງເຮົາ ໄຮຣຳ ສະມິດ ເພື່ອເປັນມູນມໍລະດົກຂອງລາວ.
14 ແລະ ດິນແປງທຳອິດ ແລະ ທີສອງຢູ່ທາງເໜືອ ຈົ່ງມອບໃຫ້ແກ່ຜູ້ຮັບໃຊ້ຂອງເຮົາ ເຣໂນນ ຄາຫູນ ແລະ ແຈເຣັດ ຄາດເທີ ເພື່ອເປັນມູນມໍລະດົກຂອງພວກເຂົາ—
15 ເພື່ອວ່າພວກເຂົາຈະໄດ້ເຮັດວຽກງານ ຊຶ່ງເຮົາໄດ້ກຳນົດໃຫ້ແກ່ພວກເຂົາ, ທີ່ເປັນຄະນະກຳມະການສ້າງບ້ານຂອງເຮົາ, ຕາມພຣະບັນຍັດ, ຊຶ່ງເຮົາ, ອົງພຣະຜູ້ເປັນເຈົ້າ, ໄດ້ປະທານໃຫ້ແກ່ພວກເຈົ້າ.
16 ບ້ານສອງຫລັງນີ້ຈະບໍ່ຖືກສ້າງຂຶ້ນ ຈົນກວ່າເຮົາຈະມອບບັນຍັດໃຫ້ແກ່ພວກເຈົ້າກ່ຽວກັບມັນ.
17 ແລະ ບັດນີ້ ເຮົາຈະບໍ່ມອບໃຫ້ພວກເຈົ້າອີກໃນເວລານີ້. ອາແມນ.