ພາກທີ 125
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ, ທີ່ເມືອງນາວູ, ລັດອິລິນອຍ, ເດືອນມີນາ 1841, ກ່ຽວກັບໄພ່ພົນຂອງພຣະເຈົ້າໃນເຂດໄອໂອວາ.
1–4, ໄພ່ພົນຂອງພຣະເຈົ້າຕ້ອງສ້າງເມືອງຕ່າງໆຂຶ້ນ ແລະ ຕ້ອງມາເຕົ້າໂຮມກັນທີ່ສະເຕກຂອງຊີໂອນ.
1 ແມ່ນຫຍັງຄືພຣະປະສົງຂອງພຣະຜູ້ເປັນເຈົ້າກ່ຽວກັບໄພ່ພົນຂອງພຣະເຈົ້າໃນເຂດໄອໂອວາ?
2 ຕາມຄວາມຈິງແລ້ວ, ພຣະຜູ້ເປັນເຈົ້າໄດ້ກ່າວດັ່ງນີ້, ເຮົາກ່າວກັບພວກເຈົ້າວ່າ ຖ້າຫາກຄົນທີ່ ກເອີ້ນຕົນເອງໂດຍນາມຂອງເຮົາ ແລະ ພະຍາຍາມເປັນໄພ່ພົນຂອງເຮົາ, ຖ້າຫາກພວກເຂົາຈະເຮັດຕາມຄວາມປະສົງຂອງເຮົາ ແລະ ຮັກສາບັນຍັດຂອງເຮົາກ່ຽວກັບພວກເຂົາ, ກໍໃຫ້ພວກເຂົາມາເຕົ້າໂຮມກັນຢູ່ສະຖານທີ່ ທີ່ເຮົາຈະກຳນົດໃຫ້ແກ່ພວກເຂົາໂດຍຜູ້ຮັບໃຊ້ຂອງເຮົາ ໂຈເຊັບ, ແລະ ສ້າງສາເມືອງຕ່າງໆຂຶ້ນແດ່ນາມຂອງເຮົາ, ເພື່ອວ່າພວກເຂົາຈະຕຽມພ້ອມສຳລັບສິ່ງທີ່ມີໄວ້ໃຫ້ໃນເວລາທີ່ຈະມາເຖິງ.
3 ໃຫ້ພວກເຂົາສ້າງສາເມືອງໜຶ່ງຂຶ້ນແດ່ນາມຂອງເຮົາ ຢູ່ໃນແຜ່ນດິນທີ່ກົງກັນຂ້າມກັບເມືອງນາວູ, ແລະ ໃຫ້ຕັ້ງຊື່ເມືອງນັ້ນວ່າ ກເຊຣາເຮັມລາ.
4 ແລະ ໃຫ້ທຸກຄົນທີ່ມາຈາກພາກຕາເວັນອອກ, ແລະ ພາກຕາເວັນຕົກ, ແລະ ພາກເໜືອ, ແລະ ພາກໃຕ້, ທີ່ມີຄວາມປາດຖະໜາຈະພັກພາອາໄສຢູ່ທີ່ນັ້ນ, ມາຮັບເອົາມູນມໍລະດົກຂອງພວກເຂົາໃນເມືອງນັ້ນຄືກັນ, ເຊັ່ນດຽວກັບໃນເມືອງ ກແນສະວຽວ, ຫລື ໃນເມືອງນາວູ, ແລະ ໃນ ຂສະເຕກທັງໝົດຊຶ່ງເຮົາໄດ້ກຳນົດໄວ້, ພຣະຜູ້ເປັນເຈົ້າໄດ້ກ່າວ.