ພາກທີ 111
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ, ທີ່ເມືອງຊາເລັມ, ລັດມາສາຊູເສດສ໌, ວັນທີ 6 ເດືອນສິງຫາ, 1836. ໃນເວລານີ້ຜູ້ນຳຂອງສາດສະໜາຈັກມີໜີ້ສິນຢ່າງຫລວງຫລາຍເນື່ອງມາຈາກການທຳງານຂອງເຂົາເຈົ້າໃນການປະຕິບັດສາດສະໜາກິດ. ໂດຍທີ່ໄດ້ຍິນວ່າຈະມີເງິນຈຳນວນຫລວງຫລາຍໃຫ້ແກ່ເຂົາເຈົ້າຢູ່ເມືອງຊາເລັມ, ສາດສະດາ, ຊິດນີ ຣິກດອນ, ໄຮຣຳ ສະມິດ, ແລະ ອໍລີເວີ ຄາວເດີຣີ ຈຶ່ງໄດ້ເດີນທາງໄປທີ່ນັ້ນຈາກ ເມືອງເຄີດແລນ, ລັດໂອໄຮໂອ, ເພື່ອສຳຫລວດກວດກາເບິ່ງຂໍ້ມູນນີ້, ພ້ອມທັງສັ່ງສອນພຣະກິດຕິຄຸນໄປນຳ. ພວກອ້າຍນ້ອງໄດ້ບັນລຸພາລະກິດຫລາຍຢ່າງຂອງສາດສະໜາຈັກ ແລະ ໄດ້ສັ່ງສອນພຣະກິດຕິຄຸນນຳອີກ. ເມື່ອເຫັນໄດ້ວ່າ ເຂົາເຈົ້າຈະບໍ່ໄດ້ຮັບເງິນ, ແລ້ວເຂົາເຈົ້າຈຶ່ງໄດ້ກັບໄປເມືອງເຄີດແລນ. ຫລາຍປັດໃຈທີ່ສຳຄັນກ່ຽວກັບເລື່ອງນີ້ສະທ້ອນອອກມາໃນຖ້ອຍຄຳຂອງການເປີດເຜີຍນີ້.
1–5, ພຣະຜູ້ເປັນເຈົ້າດູແລຄວາມຕ້ອງການທາງໂລກຂອງຜູ້ຮັບໃຊ້ຂອງພຣະອົງ; 6–11, ພຣະອົງຈະຈັດການກັບຊີໂອນດ້ວຍຄວາມເມດຕາ ແລະ ຈັດຕຽມທຸກສິ່ງທັງປວງເພື່ອຜົນປະໂຫຍດຂອງຜູ້ຮັບໃຊ້ຂອງພຣະອົງ.
1 ເຮົາ, ພຣະຜູ້ເປັນເຈົ້າອົງເປັນພຣະເຈົ້າຂອງເຈົ້າ, ບໍ່ແມ່ນວ່າບໍ່ພໍໃຈກັບການເດີນທາງມາເທື່ອນີ້ຂອງພວກເຈົ້າ, ເຖິງແມ່ນຈະເປັນຄວາມໂງ່ຈ້າຂອງພວກເຈົ້າກໍຕາມ.
2 ເຮົາມີຊັບສົມບັດຢ່າງຫລວງຫລາຍໃຫ້ພວກເຈົ້າ ຢູ່ໃນເມືອງນີ້, ເພື່ອຜົນປະໂຫຍດຂອງຊີໂອນ, ແລະ ຜູ້ຄົນຢ່າງຫລວງຫລາຍໃນເມືອງນີ້, ຜູ້ທີ່ເຮົາຈະເຕົ້າໂຮມອອກມາໃນເວລາອັນເໝາະສົມ ເພື່ອຜົນປະໂຫຍດຂອງຊີໂອນ, ໂດຍຜ່ານພວກເຈົ້າເປັນເຄື່ອງມື.
3 ສະນັ້ນ, ຈຶ່ງເປັນການສົມຄວນທີ່ພວກເຈົ້າຈະສ້າງຄວາມຄຸ້ນເຄີຍກັບຜູ້ຄົນຢູ່ໃນເມືອງນີ້, ຕາມທີ່ພວກເຈົ້າຈະຖືກພາໄປ, ແລະ ຕາມທີ່ມັນຈະຖືກມອບໃຫ້ແກ່ພວກເຈົ້າ.
4 ແລະ ເຫດການຈະບັງເກີດຂຶ້ນໃນເວລາອັນເໝາະສົມ ຄືເຮົາຈະມອບເມືອງນີ້ໄວ້ໃນມືຂອງພວກເຈົ້າ, ເພື່ອພວກເຈົ້າຈະມີອຳນາດເໜືອມັນ, ເຖິງຂະໜາດທີ່ພວກເຂົາບໍ່ພົບເຫັນສ່ວນທີ່ເປັນຄວາມລັບຂອງພວກເຈົ້າ; ແລະ ຄວາມລ້ຳລວຍຂອງມັນກ່ຽວກັບຄຳ ແລະ ເງິນ ຈະເປັນຂອງພວກເຈົ້າ.
5 ຢ່າເປັນຫ່ວງເລີຍເລື່ອງ ກໜີ້ສິນຂອງພວກເຈົ້າ, ເພາະເຮົາຈະມອບອຳນາດໃຫ້ພວກເຈົ້າເພື່ອຊຳລະມັນ.
6 ຢ່າເປັນຫ່ວງເລີຍເລື່ອງຊີໂອນ, ເພາະເຮົາຈະຈັດການກັບນາງດ້ວຍຄວາມເມດຕາ.
7 ຈົ່ງຢູ່ຕໍ່ໄປໃນສະຖານທີ່ແຫ່ງນີ້, ແລະ ໃນພາກພື້ນຕ່າງໆທີ່ອ້ອມຮອບ;
8 ແລະ ສະຖານທີ່ຊຶ່ງເປັນຄວາມປະສົງຂອງເຮົາທີ່ຈະໃຫ້ພວກເຈົ້າຢູ່ຕໍ່ໄປ, ໃຫ້ຢູ່ສ່ວນຫລາຍ, ຈະຖືກເຮັດໃຫ້ເປັນທີ່ຮູ້ຈັກແກ່ພວກເຈົ້າ ໂດຍ ກສັນຕິສຸກ ແລະ ໂດຍອຳນາດຂອງພຣະວິນຍານຂອງເຮົາ, ທີ່ຈະຫລັ່ງໄຫລມາສູ່ພວກເຈົ້າ.
9 ສະຖານທີ່ແຫ່ງນີ້ ພວກເຈົ້າຈະໄດ້ມາໂດຍການເຊົ່າ. ແລະ ຈົ່ງຊອກຫາຢ່າງພາກພຽນກ່ຽວກັບຜູ້ອາໄສໃນສະໄໝກ່ອນ ແລະ ຜູ້ໄດ້ມາຕັ້ງຖິ່ນຖານຢູ່ເມືອງນີ້;
10 ເພາະມີຊັບສົມບັດຢ່າງຫລວງຫລາຍກວ່າໜຶ່ງຢ່າງ ໃຫ້ພວກເຈົ້າຢູ່ໃນເມືອງນີ້.
11 ສະນັ້ນ, ພວກເຈົ້າຈົ່ງ ກສະຫລາດດັ່ງງູ ແຕ່ປາດສະຈາກບາບ; ແລະ ເຮົາຈະສັ່ງທຸກສິ່ງທັງປວງເພື່ອ ຂຜົນປະໂຫຍດຂອງພວກເຈົ້າ, ໃຫ້ໄວເທົ່າທີ່ພວກເຈົ້າຈະສາມາດຮັບມັນໄດ້. ອາແມນ.