ພາກທີ 92
ການເປີດເຜີຍທີ່ມອບໃຫ້ແກ່ໂຈເຊັບ ສະມິດ ຜູ້ເປັນສາດສະດາ, ທີ່ເມືອງເຄີດແລນ, ລັດໂອໄຮໂອ, ວັນທີ 15 ເດືອນມີນາ, 1833. ການເປີດເຜີຍແນະນຳ ເຟຣ໌ເດຣິກ ຈີ ວິວລຽມສ໌, ຜູ້ຫາກໍໄດ້ຖືກແຕ່ງຕັ້ງໃຫ້ເປັນທີ່ປຶກສາຂອງໂຈເຊັບ ສະມິດ, ໃນໜ້າທີ່ຂອງເພິ່ນ ໃນ ກຸ່ມທຸລະກິດເອກະພາບ (ເບິ່ງ ຫົວຂໍ້ຂອງ ພາກທີ 78 ແລະ 82).
1–2, ພຣະຜູ້ເປັນເຈົ້າປະທານພຣະບັນຍັດຂໍ້ໜຶ່ງທີ່ກ່ຽວພັນກັບການເຂົ້າຮ່ວມລະບົບເອກະພາບ.
1 ຕາມຄວາມຈິງແລ້ວ, ພຣະຜູ້ເປັນເຈົ້າໄດ້ກ່າວດັ່ງນີ້, ເຮົາໄດ້ ກມອບລະບົບເອກະພາບ, ທີ່ໄດ້ຈັດຕັ້ງໄວ້ໃຫ້ສອດຄ່ອງກັບບັນຍັດທີ່ໄດ້ມອບໃຫ້ຜ່ານມາແລ້ວ, ເປັນການເປີດເຜີຍ ແລະ ບັນຍັດກ່ຽວກັບຜູ້ຮັບໃຊ້ຂອງເຮົາ ເຟຣ໌ເດຣິກ ຈີ ວິວລຽມສ໌, ວ່າເຈົ້າຈະຮັບເອົາລາວເຂົ້າໃນລະບຽບ. ສິ່ງໃດກໍຕາມທີ່ເຮົາກ່າວກັບຄົນໜຶ່ງ ກໍຄືກັນກັບເຮົາກ່າວກັບທຸກຄົນ.
2 ແລະ ອີກເທື່ອໜຶ່ງ, ເຮົາກ່າວກັບເຈົ້າ ຜູ້ຮັບໃຊ້ຂອງເຮົາ ເຟຣ໌ເດຣິກ ຈີ ວິວລຽມສ໌, ເຈົ້າຈະເປັນສະມາຊິກທີ່ເຂັ້ມແຂງໃນລະບົບນີ້; ແລະ ຕາບໃດທີ່ເຈົ້າຍັງຊື່ສັດໃນການຮັກສາບັນຍັດກ່ອນໆທັງໝົດ, ເຈົ້າຈະໄດ້ຮັບພອນຕະຫລອດການ. ອາແມນ.