មុក្ដាដ៏មានតម្លៃមហិមា
នគរព្រះនៅលើផែនដីគឺប្រៀបដូចជា « មុក្ដាដ៏មានតម្លៃមហិមា » (ម៉ាថាយ ១៣:៤៥–៤៦)។
មុក្ដាដ៏មានតម្លៃមហិមា ក៏ជាឈ្មោះព្រះគម្ពីរមួយក្នុងព្រះគម្ពីរបួនច្បាប់ ដែលហៅថា « គម្ពីរដ៏ជាបមាណីយ » របស់សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ។ ច្បាប់ទី១ នៃមុក្ដាដ៏មានតម្លៃមហិមាត្រូវបានបោះពុម្ពក្នុងឆ្នាំ ១៨៥១ ហើយមាននូវឯកសារដែលឥឡូវនេះ មាននៅក្នុងគោលលទ្ធិ និងសេចក្ដីសញ្ញា។ ភាគជាច្រើនដែលបានបោះពុម្ពចាប់តាំងពីឆ្នាំ ១៩០២ មាននូវ (១) ការសង្ខេបពីការបកប្រែគម្ពីរលោកុប្បត្តិដោយយ៉ូសែប ស៊្មីធ បានហៅថា គម្ពីរម៉ូសេ និងការបកប្រែគម្ពីរម៉ាថាយ ជំពូកទី ២៤ បានហៅថា យ៉ូសែប ស៊្មីធ—ម៉ាថាយ; (២) ការបកប្រែដោយយ៉ូសែប ស៊្មីធ ចេញពីក្រាំងប្របុសនៃពួកអេស៊ីព្ទ ដែលលោកបានទទួលក្នុងឆ្នាំ ១៨៣៥ បានហៅថាគម្ពីរអ័ប្រាហាំ; (៣) ការសង្ខេបពីប្រវត្តិនៃសាសនាចក្រ ដោយយ៉ូសែប ស៊្មីធ ដែលលោកបានសរសេរក្នុងឆ្នាំ ១៨៣៨ បានហៅថា យ៉ូសែប ស៊្មីធ—ប្រវត្តិ; និង (៤) មាត្រានៃសេចក្ដីជំនឿ មានមាត្រាចំនួន ១៣ ស្ដីអំពីជំនឿ និងគោលលទ្ធិ។