អេសា
នៅក្នុងព្រះគម្ពីរសញ្ញាចាស់ គឺជាស្ដេចទីបីនៃយូដា។ ព្រះគម្ពីរចែងថា « ទ្រង់មានព្រះទ័យស្មោះត្រង់ដល់ព្រះអម្ចាស់រហូតដល់អស់ព្រះជន្ម » (១ ពង្សាវ. ១៥:១៤)។ នៅក្នុងរាជ្យទ្រង់ នោះទ្រង់បានបង្កើតកងទ័ពឲ្យមានប្រសិទ្ធិភាព បានបោះចោលនឹមរបស់ពួកអេធីយ៉ូពី, បានដករូបព្រះក្លែងក្លាយចេញ ហើយបានអញ្ជើញប្រជាជនឲ្យធ្វើសេចក្ដីសញ្ញាមួយ ដើម្បីស្វែងរកព្រះយេហូវ៉ា (១ ពង្សាវ. ១៥–១៦; ២ របា. ១៤–១៦)។ ក៏ប៉ុន្តែកាលដែលទ្រង់មានជំងឺនៅព្រះបាទា នោះទ្រង់ពុំបានស្វែងរកជំនួយពីព្រះអម្ចាស់ឡើយ ហើយក៏សុគតទៅ (១ ពង្សាវ. ១៥:២៣–២៤; ២ របា. ១៦:១២–១៣)។