ហឹបនៃសេចក្ដីសញ្ញា
ក៏ស្គាល់ថា ហឹបនៃព្រះយេហូវ៉ា និងហឹបនៃទីបន្ទាល់ដែរ ហឹបនៃសេចក្ដីសញ្ញាគឺជាទូមួយមានរាងវែង ឬជាប្រអប់ធ្វើពីឈើ ដែលស្រោបដោយមាស។ ហឹបនេះគឺជានិមិត្តរូបខាងសាសនាដ៏យូរ និងដ៏ពិសិដ្ឋបំផុតរបស់ពួកសាសន៍អ៊ីស្រាអែល។ ទីសន្ដោសប្រោសដែលនៅជុំវិញ ត្រូវបានចាត់ទុកថា ជាទីដំណាក់នៃព្រះយេហូវ៉ា (និក្ខ. ២៥:២២)។ កាលបានធ្វើរោងឧបោសថរួចហើយ ក៏បានដាក់ហឹបនៅក្នុងទីបរិសុទ្ធបំផុត គឺជាកន្លែងបរិសុទ្ធបំផុតនៅក្នុងរោង (១ ពង្សាវ. ៨:១–៨)។