ហេណុក
ជាព្យាការីម្នាក់ ដែលបានដឹកនាំបណ្ដាជននៅទីក្រុងស៊ីយ៉ូន។ ការងារបម្រើរបស់លោក នោះត្រូវបានអធិប្បាយប្រាប់នៅក្នុងព្រះគម្ពីរសញ្ញាចាស់ ព្រមទាំងនៅក្នុងមុក្ដាដ៏មានតម្លៃមហិមា។ លោកជាអយ្យកោទី ៧ បន្ទាប់ពីលោកអ័ដាមមក។ លោកជាកូនប្រុសរបស់យ៉ារេឌ ហើយជាឪពុករបស់មធូសាឡា (លោកុ. ៥:១៨–២៤; លូកា ៣:៣៧)។
ហេណុកជាបុរសដ៏សំខាន់ម្នាក់ ហើយមានការងារបម្រើដ៏សំខាន់ៗ ច្រើនជាងដំណើររឿងដ៏ខ្លីអំពីលោកដែលព្រះគម្ពីរប៊ីបពោលដល់។ ព្រះគម្ពីរប៊ីបថ្លែងប្រាប់ថា លោកត្រូវបានប្រែរូប (ហេព្រើរ ១១:៥) ប៉ុន្តែមិនបានរៀបរាប់ប្រាប់អំពីការបង្រៀនរបស់លោកទេ។ យូដាស ១:១៤ មានពាក្យស្រង់អំពីការព្យាករណ៍ដែលលោកបានទាយ។ វិវរណៈនៅថ្ងៃចុងក្រោយអធិប្បាយប្រាប់អំពីហេណុកច្រើនថែមទៀត ជាពិសេស អំពីការប្រកាសរបស់លោក អំពីទីក្រុងលោកដែលហៅថា ស៊ីយ៉ូន អំពីការនិមិត្តទាំងឡាយរបស់លោក និងអំពីការព្យាករណ៍ទាំងឡាយរបស់លោក (គ. និង ស. ១០៧:៤៨–៥៧; ម៉ូសេ ៦–៧)។ ក្រុងស៊ីយ៉ូនត្រូវបានយកទៅលើស្ថានសួគ៌ ពីព្រោះតែសេចក្ដីសុចរិតនៃពួកអ្នកដែលនៅទីនោះ (ម៉ូសេ ៧:៦៩)។