លោកុប្បត្តិ
តាមពាក្យក្រេក មានន័យថា « កំណើត » ឬក៏ « ដើមដំបូង »។ គម្ពីរលោកុប្បត្តិ គឺជាគម្ពីរទីមួយនៅក្នុងព្រះគម្ពីរសញ្ញាចាស់ ហើយបានសរសេរដោយព្យាការីម៉ូសេ។ គម្ពីរនេះប្រាប់នូវដំណើររឿងពីដើមដំបូងជាច្រើន ដូចជាការបង្កបង្កើតផែនដី, ការដាក់សត្វ និងមនុស្សឲ្យនៅលើផែនដី, ការធ្លាក់នៃលោកអ័ដាម និងនាងអេវ៉ា, វិវរណៈអំពីដំណឹងល្អចំពោះលោកអ័ដាម, ដើមកំណើតនៃពូជអំបូរ និងជាតិទាំងឡាយ, កំណើតភាសាទាំងឡាយនៅក្រុងបាបិល, និងដើមកំណើតនៃគ្រួសារលោកអ័ប្រាហាំ រហូតដល់ទៅការតាំងនៃវង្សអ៊ីស្រាអែល។ តំណែងយ៉ូសែបជាអ្នកជួយជីវិតដល់ពួកអ៊ីស្រាអែល ក៏បានបញ្ជាក់ឲ្យដឹងនៅក្នុងគម្ពីរលោកុប្បត្តិ។
វិវរណៈនៅថ្ងៃចុងក្រោយបញ្ជាក់ ហើយបំភ្លឺពីដំណើររឿងក្នុងគម្ពីរលោកុប្បត្តិ (១ នីហ្វៃ ៥; អេធើរ ១; ម៉ូសេ ១–៨; អ័ប្រា. ១–៥)។
នៅក្នុងគម្ពីរលោកុប្បត្តិ ជំពូកទី ១–៤ រៀបរាប់ពីការបង្កបង្កើតពិភពលោក និងការបង្កបង្កើនគ្រួសារលោកអ័ដាម។ ជំពូកទី ៥–១០ កត់ពីប្រវត្តិលោកណូអេ។ ជំពូកទី ១១–២០ ប្រាប់ពីអ័ប្រាហាំ និងគ្រួសារលោករហូតដល់សម័យអ៊ីសាក។ ជំពូកទី ២១–៣៥ រៀបរាប់ពីគ្រួសារអ៊ីសាក។ ជំពូកទី ៣៦ ប្រាប់ពីអេសាវ និងគ្រួសារលោក។ ជំពូកទី ៣៧–៥០ ប្រាប់ពីគ្រួសារយ៉ាកុប និងដំណើររឿងលក់យ៉ូសែបទៅស្រុកអេស៊ីព្ទ ហើយនិងតំណែងលោកក្នុងការជួយសង្គ្រោះវង្សអ៊ីស្រាអែល។