ពន្លឺ, ពន្លឺនៃព្រះគ្រីស្ទ
ជាកម្លាំង អំណាច ឬឥទ្ធិពលដ៏ឧត្ដម ដែលចេញមកពីព្រះ ដោយសារព្រះគ្រីស្ទ ហើយផ្ដល់នូវជីវិត និងពន្លឺដល់គ្រប់អ្វីៗទាំងអស់។ គឺជាក្រឹត្យវិន័យដែលត្រួតត្រាគ្រប់អ្វីៗទាំងអស់នៅលើស្ថានសួគ៌ និងនៅលើផែនដី (គ. និង ស. ៨៨:៦–១៣)។ ពន្លឺនេះក៏ជួយ មនុស្សឲ្យស្គាល់សេចក្ដីពិតនៃដំណឹងល្អ ហើយជួយដាក់គេទៅលើផ្លូវនៃដំណឹងល្អនោះ ដែលនាំទៅឯសេចក្ដីសង្គ្រោះ (យ៉ូហាន ៣:១៩–២១; ១២:៤៦; អាលម៉ា ២៦:១៥; ៣២:៣៥; គ. និង ស. ៩៣:២៨–២៩, ៣១–៣២, ៤០, ៤២)។
មិនត្រូវច្រឡំពន្លឺនៃព្រះគ្រីស្ទ និងព្រះវិញ្ញាណបរិសុទ្ធឡើយ។ ពន្លឺនៃព្រះគ្រីស្ទ គឺមិនមែនជារូបទេ។ គឺជាឥទ្ធិពលដែលមកពីព្រះ ហើយរៀបចំជនណាមួយឲ្យទទួលព្រះវិញ្ញាណបរិសុទ្ធវិញ។ គឺជាឥទ្ធិពលចំពោះអំពើល្អនៅក្នុងជីវិតនៃមនុស្សទាំងអស់ (យ៉ូហាន ១:៩; គ. និង ស. ៨៤:៤៦–៤៧)។
សេចក្ដីសម្ដែងមួយអំពីពន្លឺនៃព្រះគ្រីស្ទ គឺសតិសម្បជញ្ញៈ ដែលជួយមនុស្សឲ្យរើសរវាងខុស និងត្រូវ (មរ៉ូណៃ ៧:១៦)។ នៅពេលណាមនុស្សចេះដឹងពីដំណឹងល្អច្រើនឡើង នោះសតិសម្បជញ្ញៈរបស់គេក្លាយទៅជាចាប់អារម្មណ៍ខ្លាំងឡើង (មរ៉ូណៃ ៧:១២–១៩)។ មនុស្ស ណាដែលប្រុងស្ដាប់តាមពន្លឺនៃព្រះគ្រីស្ទ នោះត្រូវបាននាំទៅរកដំណឹងល្អនៃព្រះយេស៊ូវគ្រីស្ទ (គ. និង ស. ៨៤:៤៦–៤៨)។