កាឡាទី, សំបុត្រដល់ពួក
ជាគម្ពីរមួយនៅក្នុងព្រះគម្ពីរសញ្ញាថ្មី។ មុនដំបូង គឺជាសំបុត្រមួយច្បាប់ដែលសាវកប៉ុលបានសរសេរទៅពួកបរិសុទ្ធ នៅស្រុកកាឡាទី។ សេចក្ដីនៃសំបុត្រនេះ គឺថាសេរីភាពដ៏ពិតអាចរកបាន ដោយសារការរស់តាមដំណឹងល្អនៃព្រះយេស៊ូវគ្រីស្ទតែប៉ុណ្ណោះ។ បើសិនជាពួកបរិសុទ្ធទទួលយកការបង្រៀនទាំងឡាយនៃពួកគ្រីស្ទានសាសន៍យូដា ដែលចេះតែគោរពតាមក្រឹត្យវិន័យលោកម៉ូសេ នោះពួកគេនឹងដាក់កម្រិត ឬកម្ចាត់សេរីភាពដែលពួកគេរកបានក្នុងព្រះគ្រីស្ទចោល។ នៅក្នុងសំបុត្រ ប៉ុលបានតាំងតំណែងរបស់លោកជាសាវក បានពន្យល់ប្រាប់អំពីគោលលទ្ធិនៃសេចក្ដីសុចរិត ដោយសេចក្ដីជំនឿ ហើយបានបញ្ជាក់នូវតម្លៃនៃសាសនាខាងវិញ្ញាណ។
នៅជំពូកទី ១ និងទី ២ ប៉ុលបានថ្លែងពីការស្តាយចំពោះដំណឹងដែលលោកបានទទួលអំពីសេចក្ដីក្បត់សាសនានៅក្នុងចំណោមពួកកាឡាទី ហើយបានបញ្ជាក់ប្រាប់ពីតំណែងរបស់លោកនៅក្នុងចំណោមពួកសាវក។ ជំពូកទី ៣ និងទី ៤ ពិគ្រោះអំពីគោលលទ្ធិនៃសេចក្ដីជំនឿ និងកិច្ចការទាំងឡាយ។ ជំពូកទី ៥ និងទី ៦ មានការបង្រៀនអំពីផលប្រយោជន៍ទូទៅ អំពីគោលលទ្ធិនៃសេចក្ដីជំនឿ។