ផារីស៊ី, ពួក
នៅក្នុងព្រះគម្ពីរសញ្ញាថ្មី គឺជាមនុស្សមួយក្រុមខាងសាសនា នៅក្នុងចំណោមពួកសាសន៍យូដា ដែលឈ្មោះមានន័យថា ព្រាត់ ឬបែកពីគ្នា។ ពួកផារីស៊ីបានតម្កើងខ្លួន ដោយសារការគោរពតាមក្រឹត្យវិន័យលោកម៉ូសេយ៉ាងម៉ឺងហ្មត់ និងការចៀសវាងចេញពីអ្វីៗដែលទាក់ទងទៅនឹងពួកសាសន៍ដទៃ។ ពួកគេបានជឿថាមានជីវិតក្រោយពីស្លាប់ ដំណើររស់ឡើងវិញ និងការមានពួកទេវតា និងពួកវិញ្ញាណ។ ពួកគេបានជឿថា ច្បាប់តាមមាត់ និងតាមសណ្ដាប់ធ្នាប់នោះសំខាន់ដូចគ្នានឹងច្បាប់តាមតម្រា។ ការបង្រៀនរបស់គេ បានបន្ថែមបន្ថយសាសនាទៅត្រឹមនឹងការគោរពតាមច្បាប់ ហើយបានលើកទឹកចិត្តឲ្យមានការឆ្មើងឆ្មៃខាងវិញ្ញាណ។ ពួកគេបានបណ្ដាលប្រជារាស្ត្រយូដាជាច្រើនឲ្យមានចិត្តសង្ស័យពីព្រះគ្រីស្ទ និងដំណឹងល្អរបស់ទ្រង់។ ព្រះអម្ចាស់ ទ្រង់បានស្ដីឲ្យពួកផារីស៊ី និងកិច្ចការទាំងឡាយរបស់ពួកគេនៅក្នុងគម្ពីរម៉ាថាយ ២៣; ម៉ាកុស ៧:១–២៣; និង លូកា ១១:៣៧–៤៤។