ក្រុងណៅវូ, រដ្ឋអិលលីណោយ (សហរដ្ឋ)
ជាទីក្រុងមួយដែលបានតាំងឡើង ដោយពួកបរិសុទ្ធថ្ងៃចុងក្រាយ នៅឆ្នាំ ១៨៣៩ នៅរដ្ឋអិលលីណោយ។ ក្រុងនេះស្ថិតនៅឯទន្លេ មិស៊ីស៊ិបពី មានចម្ងាយប្រហែល ៣២០ គ.ម. ផ្នែកខាងលើទន្លេពីក្រុងសន្តលូវិស។
មកពីមានការបៀតបៀនទាំងឡាយនៅរដ្ឋមិសសួរី ទើបពួកបរិសុទ្ធ បានផ្លាស់កន្លែងប្រមាណ ៣២០ គ.ម. ទៅខាងទិសឦសាន គឺឆ្លងកាត់ទន្លេមិស៊ីស៊ិបពី ហើយចូលទៅក្នុងរដ្ឋអិលលីណោយ ជាកន្លែងដែលគេរកឃើញថាមានស្ថានភាពដ៏គួរគាប់ចិត្តជាង។ បន្ទាប់មក ពួកបរិសុទ្ធបានទិញដីនៅក្បែរទីក្រុងខមមើស ដែលមិនទាន់លូតលាស់នៅឡើយ។ ដីនេះគឺស្ទើរជាវាលភក់ល្បប់ទាំងស្រុង ក្រៅពីអគារតូចតាចប៉ុណ្ណោះ។ ពួកបរិសុទ្ធបានបង្ហូរទឹកចេញពីដែនដី ហើយបានតាំងផ្ទះសំបែងនៅ។ យ៉ូសែប ស៊្មីធ បាននាំគ្រួសារទៅនៅក្នុងផ្ទះឈើតូចមួយ។ ឈ្មោះទីក្រុងខមមើស ក៏បានដូរទៅជា ណៅវូ តាមពាក្យហេព្រើរ មានន័យថា « ស្អាតស្អំ »។
មានកណ្ឌជាច្រើននៅក្នុងគោលលទ្ធិ និងសេចក្ដីសញ្ញាដែលបានកត់នៅក្រុងណៅវូ (គ. និង ស. ១២៤–១២៩, ១៣២, ១៣៥)។ ពួកបរិសុទ្ធត្រូវបានប្រាប់ឲ្យសង់ព្រះវិហារមួយនៅក្រុងណៅវូ (គ. និង ស. ១២៤:២៦–២៧)។ ពួកគេបានសង់ព្រះវិហារមួយ ហើយបានរៀបចំធ្វើស្តេកទាំងឡាយនៃស៊ីយ៉ូន មុនត្រូវបានបណ្ដេញចេញពីផ្ទះសំបែងគេ នៅឆ្នាំ ១៨៤៦។ ដោយសារតែការបៀតបៀននេះ ទើបពួកបរិសុទ្ធបានចេញពីទីកន្លែង ហើយបានធ្វើដំណើរទៅទិសខាងលិច។