ជាការផ្លាស់ប្រែគំនិត និងចិត្ត ដែលផ្ដល់នូវអាកប្បកិរិយាដ៏ជ្រះថ្លាចំពោះព្រះ ចំពោះខ្លួន និងចំពោះជីវិតជាទូទៅ។ ការប្រែចិត្ត មានន័យថា ជនម្នាក់បែរចេញពីអំពើអាក្រក់ ហើយបែរតម្រង់ចិត្ត និងបំណងរបស់ខ្លួនទៅរកព្រះ ដោយចុះចូលតាមព្រះបញ្ញត្តិទាំងឡាយ និងព្រះហឫទ័យរបស់ព្រះ ហើយលះបង់ចោលអំពើបាប។ ការប្រែចិត្តដ៏ពិតកើតឡើងពីសេចក្ដីស្រឡាញ់ដល់ព្រះ និងការប៉ងប្រាថ្នាដ៏ស្មោះស្ម័គ្រ ដើម្បីគោរពតាមព្រះបញ្ញត្តិទាំងឡាយរបស់ទ្រង់។ មនុស្សទាំងអស់ដែលចេះទទួលការខុសត្រូវ គេបានធ្វើអំពើបាប ហើយត្រូវតែប្រែចិត្ត ដើម្បីឲ្យបានជឿនលឿនទៅរកសេចក្ដីសង្គ្រោះ។ មានតែតាមរយៈដង្វាយធួននៃព្រះយេស៊ូវគ្រីស្ទប៉ុណ្ណោះ ដែលការប្រែចិត្តរបស់យើងអាចមានប្រសិទ្ធិភាព ហើយអាចបានទទួលស្គាល់ដោយព្រះ។