អាម៉ែន
មានន័យថា « សូមឲ្យបានដូច្នោះ » ឬក៏ « ដូច្នោះមែន »។ អាម៉ែន ជាពាក្យពោល ដើម្បីបង្ហាញនូវការទទួលយក និងការយល់ព្រមដ៏អស់ពីចិត្ត និងដ៏ឧឡារិក (ចោទិ. ២៧:១៤–២៦) ឬក៏បង្ហាញសេចក្ដីពិត (១ ពង្សាវ. ១:៣៦)។ សព្វថ្ងៃនេះ នៅពេលបញ្ចប់ការអធិស្ឋាន ការថ្លែងទីបន្ទាល់ និងការនិយាយ នោះពួកអ្នកដែលបានឮពាក្យអធិស្ឋាន ឬពាក្យថ្លែង គេអាចពោលពាក្យ អាម៉ែន ឲ្យឮដើម្បីបញ្ជាក់នូវការយល់ព្រម និងការទទួលស្គាល់។
នៅសម័យព្រះគម្ពីរសញ្ញាចាស់ ជនណាមួយអាចថា អាម៉ែន នៅពេលស្បថ (១ របា. ១៦:៧, ៣៥–៣៦; នេហេ. ៥:១៣; ៨:២–៦)។ ព្រះគ្រីស្ទត្រូវបានថ្វាយព្រះនាមថា « ព្រះដ៏ជា អាម៉ែន ជាស្មរបន្ទាល់ស្មោះត្រង់ ហើយពិតប្រាកដ » (វិវរ. ៣:១៤)។ អាម៉ែន ក៏យក មកប្រើជាទីសម្គាល់អំពីសេចក្ដីសញ្ញានៅក្នុងសាលានៃពួកព្យាការី (គ. និង ស. ៨៨:១៣៣–១៣៥)។