ជំនួយ​ការសិក្សា
ដាន់


ដាន់

នៅ​ក្នុង​ព្រះ​គម្ពីរ​សញ្ញា​ចាស់ គឺជា​កូន​ប្រុស​របស់​យ៉ាកុប និង​នាង​ប៊ី​ល​ហា ដែល​ជា​បាវ​ស្រី​របស់​នាង​រ៉ាជែល (លោកុ. ៣០:៥–៦)។

ពូជ​អំបូរ​របស់​ដាន់ 

ចំពោះ​ការ​ប្រទាន​ពរ​ដែល​យ៉ាកុប​ឲ្យ​ដល់​ដាន់ ចូរ​មើល​គម្ពីរ​លោកុប្បត្តិ ៤៩:១៦–១៨។ ចំពោះ​ការ​ប្រទាន​ពរ​ដែល​ម៉ូសេ​ឲ្យ​ដល់​ពូជ​អំបូរ​របស់​ដាន់ ចូរ​មើល​គម្ពីរ​ចោទិយកថា ៣៣:២២។ ក្រោយ​ពី​ពួក​គេ​បាន​មក​រស់នៅ​ស្រុក​កាណាន នោះ​ពូជ​អំបូរ​របស់​ដាន់ បាន​ទទួល​ដែនដី​តូច​មួយ ប៉ុន្តែ​មាន​ជីជាតិ​ល្អ​បំផុត (យ៉ូស្វេ ១៩:៤០–៤៨)។ ពួក​គេ​មាន​ការ​លំបាក​ជា​ខ្លាំង​ក្នុង​ការ​ការពារ​ដែន​ដី​ពី​ពួក​សាសន៍​អាម៉ូរី (ពួក​ចៅ. ១:៣៤) និង​ពី​ពួក​សាសន៍​ភីលីស្ទីន (ពួក​ចៅ. ១៣:២, ២៥; ១៨:១)។ ដោយ​ហេតុ​នេះ ពួក​សាសន៍​ដាន់ បាន​ផ្លាស់​ទៅ​នៅ​ទី​ខាង​ជើង​ស្រុក​ភីលីស្ទីន (ពួក​ចៅ. ១៨) គឺ​នៅ​ជុំវិញ​ក្រុង​ឡាអ៊ីស ហើយ​ដាក់​ឈ្មោះ​ថ្មី​ថា ទី​ក្រុង​ដាន់។ ភូមិ​នេះ​គឺ​ស្គាល់​ទូ​ទៅ​ថា ជាទី​ខាង​ជើង​ស្រុក​ភីលីស្ទីន គឺ​ចាប់​តាំង « ពី​ក្រុង​ដាន់ រហូត​ដល់​បៀរ-សេបា »។