ណាថាន់
ជាព្យាការីម្នាក់នៅក្នុងព្រះគម្ពីរសញ្ញាចាស់ នៅសម័យស្ដេចដាវីឌ។ កាលដាវីឌបានអំពាវនាវថានឹងសង់ព្រះវិហារមួយថ្វាយព្រះអម្ចាស់ នោះព្រះអម្ចាស់ទ្រង់បានបង្គាប់ឲ្យណាថាន់ទៅប្រាប់ដាវីឌថា ទ្រង់មិនត្រូវសង់ឡើយ។ ណាថាន់ក៏បានបន្ទោសដាវីឌដែរ ដោយបានបណ្ដាលឲ្យអ៊ូរីស្លាប់ ដែលជាអ្នកចម្បាំងរបស់លោក ហើយដោយបានយកនាងបាតសេបា ជាប្រពន្ធអ៊ូរី មកធ្វើជាភរិយា (២ សាំយូ. ១២:១–១៥; គ. និង ស. ១៣២:៣៨–៣៩)។ សាដុក ជាមួយនឹងណាថាន់ បានចាក់ប្រេងលាបសាឡូម៉ូន ជាបុត្ររបស់ដាវីឌ ឲ្យធ្វើជាស្ដេច (១ ពង្សាវ. ១:៣៨–៣៩, ៤៥)។