Jesukristo

Kristo (jun aatin sa’ Griego) ut Mesias (jun aatin sa’ Hebreo) neke’raj xyeeb’al “li yulb’il.” Li Jesukristo a’an li Xb’een Yo’lajenaq chiru li Yuwa’b’ej sa’ li musiq’ej (Heb. 1:6; Tz. ut S. 93:21). A’an li Junaj Yo’lajenaq chiru li Yuwa’b’ej sa’ li tz’ejwalej (Jwan 1:14; 3:16). A’an li Jehova (Tz. ut S. 110:3–4), ut kik’ojob’aman choq’ re li nimla b’oqe’k a’in rub’elaj naq kiyo’ob’tesiik li ruchich’och’. Chi b’eresinb’il xb’aan li Yuwa’b’ej, li Jesus kixyo’ob’tesi li ruchich’och’ ut chixjunil li k’a’ru wan chi sa’ (Jwan 1:3, 14; Mois. 1:31–33). Kiyo’la rik’in li xMaria sa’ Belen, kiwan chi maak’a’ xmaak sa’ lix yu’am, ut kixtoj rix chi tz’aqal re ru lix maakeb’ chixjunileb’ li winq rik’in xhoyonik lix kik’el ut rik’in xq’axtesinkil lix yu’am chiru li krus (Mat. 2:1; 1 Ne. 11:13–33; 3 Ne. 27:13–16; Tz. ut S. 76:40–42). Kiwakli wi’chik sa’ xyanqeb’ chaq li kamenaq, ut rik’in a’an te’wakliiq chi yo’yo chixjunileb’ li winq. Sa’ xk’ab’a’ lix tojb’al rix li maak xb’aan li Kristo ut lix waklijik chi yo’yo, eb’ li neke’xjal xk’a’uxl chirix lix maakeb’ ut neke’paab’ank re lix taqlahom li Dios te’ruuq chi wank chi junelik rik’in li Jesus ut li Yuwa’b’ej (2 Ne. 9:10–12; 21–22; Tz. ut S. 76:50–53, 62).

Li Jesukristo a’an li jun winq q’axal nim ru li yo’lajenaq sa’ li ruchich’och’ a’in. Lix yu’am naxk’ut chi tz’aqal re ru chanru naq tento te’wanq chixjunileb’ li winq. Chixjunil li tijok, li osob’tesink, ut li k’ojob’anb’il k’anjel re li tijonelil tento taab’aanumanq sa’ lix k’ab’a’ a’an. A’an lix Qaawa’ileb’ li Qaawa’, Xreyileb’ li Rey, laj Yo’ob’tesinel, li Kolonel, ut li Dios re chixjunil li ruchich’och’.

Li Jesukristo taak’ulunq wi’chik rik’in wankilal ut loq’alil re taa’awa’b’ejinq sa’ li ruchich’och’ chiru li Jun Mil Chihab’. Sa’ roso’jik li kutan, a’an tixraq aatin chirix chixjunileb’ li winq (Alma 11:40–41; JS—M 1).

Resil lix yu’am (xtiikal li kik’ulman)

Kiyeeman resil chi junxilaj lix yu’am ut lix k’anjel, Luk. 1:26–38 (Isa. 7:14; 9:6–7; 1 Ne. 11).
Kiyo’la, Luk. 2:1–7 (Mat. 1:18–25).
Kixk’ul xsetb’al xtz’uumal li tz’ejwalej, Luk. 2:21.
Kiq’axtesiik sa’ li santil ochoch, Luk. 2:22–38.
Ki’ula’aniik xb’aaneb’ laj q’e, Mat. 2:1–12.
Laj Jose ut li xMaria ke’eelelik ut ke’xk’am Egipto, Mat. 2:13–18.
Kik’ame’ Nazaret, Mat. 2:19–23.
Kirula’ani li santil ochoch naq kab’laju chihab’ xyu’am, Luk. 2:41–50.
Ke’wan riitz’in ut ranab’, Mat. 13:55–56 (Mar. 6:3).
Kikub’e xha’, Mat. 3:13–17 (Mar. 1:9–11; Luk. 3:21–22).
Ki’aaleek xb’aan laj tza, Mat. 4:1–11 (Mar. 1:12–13; Luk. 4:1–13).
Kixb’oqeb’ lix tzolom, Mat. 4:18–22 (Mat. 9:9; Mar. 1:16–20; 2:13–14; Luk. 5:1–11, 27–28; 6:12–16; Jwan 1:35–51).
Kixk’e xtaqlankileb’ li Kab’laju, Mat. 10:1–4 (Mar. 3:13–19; Luk. 6:12–16).
Kixjultika li aatin chiru li tzuul, Mat. 5–7.
Kixye chi junxilaj naq taakamq ut taawakliiq wi’chik chi yo’yo, Mat. 16:21 (Mat. 17:22–23; 20:17–19; Mar. 8:31; 9:30–32; 10:32–34; Luk. 9:22; 18:31–34).
Kijaltesiik ru, Mat. 17:1–9 (Mar. 9:2–8; Luk. 9:28–36).
Kixtaqlaheb’ li lajeeb’ xkaak’aal, Luk. 10:1–20.
Ki’ok Jerusalen chi nimanb’il ru, Mat. 21:1–11 (Mar. 11:1–11; Luk. 19:29–40; Jwan 12:12–15).
Kixtikib’ li loq’laj wa’ak, Mat. 26:26–29 (Mar. 14:22–25; Luk. 22:19–20).
Kixk’ul rahilal ut kitijok sa’ Getsemani, Mat. 26:36–46 (Mar. 14:32–42; Luk. 22:39–46).
Kiq’axtesiik, kichape’, ut kikanab’aak xjunes, Mat. 26:47–56 (Mar. 14:43–53; Luk. 22:47–54; Jwan 18:2–13).
Kik’ehe’ chiru krus, Mat. 27:31–54 (Mar. 15:20–41; Luk. 23:26–28, 32–49; Jwan 19:16–30).
Kiwakli chi yo’yo, Mat. 28:1–8 (Mar. 16:1–8; Luk. 24:1–12; Jwan 20:1–10).
Kixk’ut rib’ chirix lix waklijik chi yo’yo, Mat. 28:9–20 (Mar. 16:9–18; Luk. 24:13–48; Jwan 20:11–31; Hech. 1:3–8; 1 Kor. 15:5–8).
Kitaqe’ sa’ choxa, Mar. 16:19–20 (Luk. 24:51–53; Hech. 1:9–12).

Aj Raqol Aatin

A’an taaraqoq aatin sa’ xb’een li ruchich’och’ sa’ tiikilal, Sal. 9:8 (3 Ne. 27:16).
Chalk re chi raqok aatin sa’ xb’een li ruchich’och’ rik’in tiikilal, Sal. 96:13.
Li Dios taaraqoq aatin sa’ xb’eeneb’ li tiikeb’ xch’ool ut laj maak, Ekl. 3:17.
A’an taaraqoq aatin sa’ xyanqeb’ li tenamit, Isa. 2:4 (Mik. 4:3; 2 Ne. 12:4).
Rik’in b’aan li tiikilal taaraqoq aatin chirixeb’ li neb’a’, Rik’in b’aan li tiikilal taaraqoq aatin chirixeb’ li neb’a’, Isa. 11:2–4.

Li Yuwa’b’ej xq’axtesi chixjunil li raqok aatin re li K’ajolb’ej, Jwan 5:22.
Wi ninraqok aatin, lin raqb’a-aatin tz’aqal yaal, Jwan 8:16.
Kik’ojob’aak xb’aan li Dios choq’ aj Raqol Aatin sa’ xb’eeneb’ li yo’yo ut li kamenaq, Hech. 10:42 (2 Tim. 4:1).
Li Dios taaraqoq aatin sa’ xb’eeneb’ lix muqmuukil na’leb’eb’ li winq rik’in ruq’ li Jesukristo, Rom. 2:16.
Tooxaqliiq chiqajunilo chiru lix raqleb’aal aatin li Kristo, Rom. 14:10 (2 Kor. 5:10; Alma 12:12; Morm. 3:20; 7:6; Eter 12:38; Tz. ut S. 135:5).

Eb’ li eetalil malaj li jaljookil ru aatin chirix li Kristo

Laj Abel kixmayeja li xb’een ral lix ketomq, Gen. 4:4 (Mois. 5:20).
K’am laj Isaak li junaj chirib’il chawu, li nakara, ut taamayeja choq’ mayej, Gen. 22:1–13 (Jak. 4:5).
Li Qaawa’ kixtaqlaheb’ li ralal xk’ajol laj Israel chixmayejankileb’ li karneer li maak’a’eb’ reek’, Exo. 12:5, 21, 46 (Num. 9:12; Jwan 1:29; 19:33; 1 Pe. 1:19; Apok. 5:6).
A’in li wa li xk’e chetzeka li Qaawa’, Exo. 16:2–15 (Jwan 6:51).
Taasak’ li pek, ut taa’elq chaq li ha’ chi sa’, re te’uk’aq li tenamit, Exo. 17:6 (Jwan 4:6–14; 1 Kor. 10:1–4).
Ut li chib’aat tixk’am sa’ xb’een chixjunil lix maa’usilaleb’, Lev. 16:20–22 (Isa. 53:11; Mos. 14:11; 15:6–9).
Laj Moises kixyiib’ jun li k’anti’ bronce, re xkolb’aleb’ li ani te’iloq re, Num. 21:8–9 (Jwan 3:14–15; Alma 33:19; Hel. 8:14–15).
Laj Jonas kiwan sa’ xsa’ li kar oxib’ kutan ut oxib’ q’ojyin, Jon. 1:17 (Mat. 12:40).

Kixk’ut rib’ li Kristo chirix xkamik

Chirix naq kiwakli li Jesus, kixk’ut rib’ xb’een wa chirix li xMaria aj Magdala, Mar. 16:9 (Jwan 20:11–18).
Li Jesus kib’eek ut ki’aatinak rik’in wiib’eb’ li tzolom sa’ xb’ehil Emaus, Luk. 24:13–34.
Li Jesus kixk’ut rib’ chiruheb’ lix Apostol, li ke’ch’e’ok re li ruq’ ut li roq, Luk. 24:36–43 (Jwan 20:19–20).
Li Jesus kixk’ut rib’ chiru laj Tomas, Jwan 20:24–29.
Li Jesus kixk’ut rib’ chiruheb’ lix tzolom sa’ li palaw Tiberias, Jwan 21:1–14.
Li Jesus kik’anjelak sa’ xyanqeb’ chiru ka’k’aal kutan chirix lix waklijik chi yo’yo, Hech. 1:2–3.
Laj Esteban kiril li Jesus chi xaqxo sa’ xnim uq’ li Dios, Hech. 7:55–56.
Li Jesus kixk’ut rib’ chiru laj Sawlo, Hech. 9:1–8 (JJS, Hech. 9:7; Hech. 26:9–17).
Li Kristo ki’ile’ xb’aan numenaq 500 li tenamit, 1 Kor. 15:3–8.

Li Jesukristo kixk’ut li tento taa’uxq

Wi jun li winq ink’a’ naxb’aanu lix b’aanuhom li Ralal li yo’yookil Dios, ink’a’ taaruuq chi kole’k, 2 Ne. 31:16.
Nawaj raj naq tz’aqalaq eere eeru, jo’ chanru ajwi’ laa’in, 3 Ne. 12:48.
A’in junelik teek’e eech’ool chixb’aanunkil, jo’ chanru ajwi’ kinb’aanu laa’in, 3 Ne. 18:6.
Laa’in xinb’aanu cheru li tento taa’uxq, 3 Ne. 18:16.
Li k’anjel kineeril chixb’aanunkil, a’an teeb’aanu ajwi’ laa’ex, 3 Ne. 27:21, 27.
Eb’ li tz’aqal neke’taaqenk re li Jesukristo te’wanq chanchan a’an, Moro. 7:48.

Li rawa’b’ejil li Kristo chiru li Jun Mil Chihab’

Li wankilal k’eeb’il re

Kixtzoleb’ jo’ jun li k’eeb’il xwankil, Mat. 7:28–29 (Mar. 1:22).
Li Ralal li Winq wan xwankil sa’ ruchich’och’ re xkuyb’aleb’ li maak, Mat. 9:6.
Li Jesus kixtaqlaheb’ li tz’aj aj musiq’ej chi wan xwankil, ut eb’ a’an ke’ab’in chiru, Mar. 1:27 (Luk. 4:33–36).
Li Jesus kixk’ojob’eb’ li kab’laju re te’wanq xwankil, Mar. 3:14–15.
Kiwan li raatin li Jesus rik’in wankilal, Luk. 4:32.
Li Yuwa’b’ej xq’axtesi chixjunil li raqok aatin re li K’ajolb’ej, Jwan 5:22, 27.
Li Dios kixyul li Jesus rik’in li Santil Musiq’ej ut rik’in wankilal, Hech. 10:38.
Li Kristo kik’ojob’aman rub’elaj xk’ojob’ankil li ruchich’och’, 1 Pe. 1:20 (Eter 3:14).
Rik’in li Kristo wan xlaawil li kamk ut li xb’alb’a, Apok. 1:18.

Li yaal ch’olob’anb’il chirix li Jesukristo

Noko’aatinak chirix li Kristo, nasaho’ sa’ qach’ool rik’in li Kristo, nokojultikan chirix li Kristo, naqaye profeetil aatin chirix li Kristo, 2 Ne. 25:26.
Lix Hu laj Mormon a’an re xq’unb’esinkileb’ xch’ool laj Judio ut laj Gentil naq li Jesus a’an li Kristo, 2 Ne. 26:12 (perel re xjolomil li aatin sa’ lix Hu laj Mormon).
Eb’ li profeet ut eb’ li loq’laj hu neke’xch’olob’ xyaalal li Kristo, Jak. 7:11, 19.
Chesik’ li Jesus a’in li ke’xtz’iib’a wi’ resil li profeet ut eb’ li apostol, Eter 12:41.

Profeetil aatin chirix lix yo’lajik ut xkamik li Jesukristo

Xjolomil li Iglees

Xk’ulb’al lix k’ab’a’ li Jesukristo sa’ qab’een

Xk’utb’al xyaalal naq wan eech’ool chixk’ulb’al sa’ eeb’een lix k’ab’a’ li Kristo rik’in kub’iha’, 2 Ne. 31:13.
Nawaj raj naq chek’ul sa’ eeb’een lix k’ab’a’ li Kristo, Mos. 5:6–12 (Mos. 1:11).
Yalaq ani li te’ajoq re xk’ulb’al sa’ xb’eeneb’ lix k’ab’a’ li Kristo, ke’xjunaji rib’ rik’ineb’ lix iglees li Dios, Mos. 25:23.
Chixjunileb’ li tz’aqal neke’paab’ank re li Kristo ke’xk’ul sa’ xb’eeneb’ lix k’ab’a’ li Kristo, Alma 46:15.
Li rokeb’aal li choxa teeto chiru li ani te’paab’anq re lix k’ab’a’ li Jesukristo, Hel. 3:28.
Ut osob’tesinb’il li ani natawe’ chi tiik chixpaab’ankil lin k’ab’a’ sa’ roso’jik li kutan, Eter 4:19.
Wankeb’ xch’ool chixk’ulb’al sa’ xb’eeneb’ lix k’ab’a’ laa Walal, Moro. 4:3 (Tz. ut S. 20:77).