Ebʼ li loqʼlaj hu
Tzol’leb’ ut Sumwank 93


Tasal 93

K’utb’esinb’il na’leb’ k’eeb’il rik’in xtz’uumal re laj Jose Smith li Profeet, sa’ Kirtland, Ohio, 6 Mayo 1833.

1–5, Chixjunileb’ li tiikeb’ chi paab’ank te’ril li Qaawa’; 6–18, laj Jwan kixch’olob’ xyaalal naq li Ralal li Dios kinume’ chalen sa’ li jun usilal toj sa’ li jun chik toj reetal naq kixk’ul xtz’aqalil lix loq’al li Yuwa’b’ej; 19–20, Eb’ li tiikil winq, rik’in nume’k chalen sa’ li jun usilal toj sa’ li jun chik, te’xk’ul ajwi’ xkomon lix tz’aqalil ru; 21–22, Eb’ li yo’lajenaqeb’ sa’ xk’ab’a’ li Kristo a’aneb’ li Iglees re li Xb’een Yo’lajenaq; 23–28, Li Kristo kixk’ul jun xtz’aqalil chixjunil li yaal, ut li winq rik’in ab’ink chiru, taaruuq ajwi’ tixk’ul chi jo’kan; 29–32, Li winq kiwan chaq sa’ xtiklajik rik’in li Dios; 33–35, Li k’a’ru yiib’anb’il wi’ li k’a’aq re ru, junelik wan, ut li winq naru chixk’ulb’al xtz’aqalil li sahil ch’oolejil sa’ li wakliik chi yo’yo; 36–37, Lix loq’al li Dios a’an li wankilal chi k’oxlak; 38–40, Eb’ li kok’al wankeb’ chi maak’a’eb’ xmaak chiru li Dios xb’aan li tojb’al-ix xb’aan li Kristo; 41–53, Eb’ li komon winq aj jolominel taqlanb’ileb’ chixk’eeb’al xtuqub’ankil ru lix junkab’aleb’.

1 Chi yaal, jo’ka’in naxye li Qaawa’: Taak’ulmanq naq li junjunq chi aamej li anakanab’ank re lix maak ut nachal wik’in, ut bnaxpatz’ ink’ab’a’, ut cna’ab’in chiru lix yaab’ inkux, ut naxpaab’eb’ lin taqlahom, dtaaril li ewilob’aal ut tixnaw naq wankin;

2 Ut naq laa’in li tz’aqal asaqen li nakutanob’resink re li junjunq chi winq li nachal sa’ li ruchich’och’;

3 Ut naq laa’in wankin arik’in li Yuwa’b’ej, ut li Yuwa’b’ej wik’in laa’in, ut li Yuwa’b’ej ut laa’in junajo—

4 Li Yuwa’b’ej axb’aan naq a’an bkixk’e we xkomon lix tz’aqalil ru, ut li K’ajolb’ej xb’aan naq kinwan sa’ li ruchich’och’, ut kink’ul li ctz’ejwalej choq’ inmuheb’aal, ut kinwan sa’ xyanqeb’ li ralaleb’ li winq.

5 Kinwan sa’ li ruchich’och’ ut kink’uluk rik’in lin Yuwa’, ut lix ak’anjel a’an kik’utb’esiman chi ch’olch’o.

6 Ut laj aJwan kiril ut kixch’olob’ xyaalal lix tz’aqalil binloq’al, ut lix tz’aqalil lix ctz’iib’anb’il esil laj Jwan k’utb’esinb’ilaq moqon.

7 Ut a’an kixch’olob’ xyaalal, ut kixye: Kiwil lix loq’al, naq kiwan a’an sa’ axtiklajik, rub’elaj naq kiwan li ruchich’och’;

8 Jo’kan ut, sa’ xtiklajik chaq kiwan li aAatin, xb’aan naq a’an chaq li Aatin, a’ laj k’amol resil li kolb’a-ib’—

9 Lix asaqen ut laj bTojol rix li ruchich’och’; li Musiq’ej re li yaal, li kichal sa’ li ruchich’och’, xb’aan naq li ruchich’och’ yiib’anb’il xb’aan a’an, ut sa’ a’an kiwan lix yu’ameb’ li winq ut lix saqenkeb’ li winq.

10 Eb’ li ruchich’och’ ayiib’anb’ileb’ chaq xb’aan a’an; eb’ li winq yiib’anb’ileb’ chaq xb’aan a’an; chixjunil li k’a’aq re ru yiib’anb’il chaq xb’aan a’an, ut rik’in a’an, ut sa’ xk’ab’a’ a’an.

11 Ut laa’in, aj Jwan, ninch’olob’ xyaalal naq kink’e reetal lix loq’al, chanchan xloq’al li Junaj Yo’lajenaq chiru li Yuwa’b’ej, nujenaq chi usilal ut chi yaal, a’ li Musiq’ej re li yaal, li kichal ut kiwan sa’ li tz’ejwalej, ut kiwan sa’ qayanq.

12 Ut laa’in, aj Jwan, kiwil naq moko kixk’ul ta xkomon li atz’aqalil sa’ xtiklajik; kixk’ul b’an li busilal jo’ reeqaj li usilal.

13 Ut moko kixk’ul ta xkomon li tz’aqalil sa’ xtiklajik; kinume’ b’an chalen chaq sa’ li jun ausilal toj sa’ li jun chik, toj reetal naq kixk’ul jun xtz’aqalil ru;

14 Jo’kan ut naq li aRalal li Dios kiyeeman re, xb’aan naq moko kixk’ul ta xkomon li tz’aqalil sa’ xtiklajik.

15 Ut laa’in, aj aJwan, ninch’olob’ xyaalal, ut ilomaq, kiteeliik li choxa, ut li bSantil Musiq’ej kikub’e sa’ xb’een jo’ jun cmukuy, ut kik’ojla sa’ xb’een, ut kichal jun xyaab’ kuxej chalen chaq sa’ choxa ut kixye: a’in li dWalal raaro inb’aan.

16 Ut laa’in, aj Jwan, ninch’olob’ xyaalal naq kixk’ul jun xtz’aqalil lix loq’al li Yuwa’b’ej;

17 Ut kixk’ul achixjunil li bwankilal, jo’ sa’ choxa jo’ ajwi’ sa’ ruchich’och’, ut lix loq’al li cYuwa’b’ej kiwan rik’in, xb’aan naq kiwan a’an rik’in.

18 Ut taak’ulmanq, naq wi tiikex chi paab’ank teek’ul xtz’aqalil lix tz’iib’anb’il esil laj Jwan.

19 Nink’e eere li yehom a’in re teetaw ru ut teenaw chan ru aloq’onink, ut teenaw k’a’ru nekeloq’oni, re texruuq chi chalk rik’in li Yuwa’b’ej sa’ lin k’ab’a’, ut sa’ tz’aqal xq’ehil, teek’ul xkomon lix tz’aqalil ru.

20 Xb’aan naq wi nekepaab’ lin ataqlahom, teek’ul xkomon lix btz’aqalil ru, ut ctaanimaaq eeloq’al wik’in jo’ chanru naq laa’in wankin rik’in li Yuwa’b’ej; jo’kan ut, ninye eere, teek’ul li dusilal jo’ reeqaj li usilal.

21 Ut anajwan, chi yaal ninye eere, laa’in kinwan sa’ axtiklajik rik’in li Yuwa’b’ej, ut laa’in li bXb’een Yo’lajenaq;

22 Ut chixjunileb’ li yo’lajenaqeb’ sa’ ink’ab’a’ aneke’tz’aqon sa’ bxloq’alil ajwi’ a’an, ut a’aneb’ li iglees re li Xb’een Yo’lajenaq.

23 Laa’ex ajwi’ kexwan sa’ xtiklajik arik’in li Yuwa’b’ej; li k’a’ru re Musiq’ej, a’ li Musiq’ej re li yaal;

24 Ut li ayaal, a’an bxnawb’al li k’a’aq re ru jo’ chanru wan, jo’ kiwan, ut jo’ toj taawanq;

25 Ut yalaq k’a’ru atiqb’il ru malaj k’osb’il ru chiru a’in, a’an lix musiq’ li maa’us a’an li kiwan choq’ baj tik’ti’ chalen chaq sa’ xtiklajik.

26 Li Musiq’ej re li ayaal a’an re li Dios. Laa’in li Musiq’ej re li yaal, ut laj Jwan kixch’olob’ xyaalal chiwix, ut kixye: A’an kixk’ul jun xtz’aqalil li yaal, relik chi yaal, re ajwi’ chixjunil li yaal;

27 Ut maajun winq nak’uluk re jun atz’aqalil, ka’ajwi’ wi naxpaab’ lix taqlahom.

28 Li ani anapaab’ank re lix taqlahom naxk’ul li yaal ut li bsaqen, toj reetal naq nanimaak xloq’al chi yaal, ut cnaxnaw chixjunil li k’a’aq re ru.

29 Li winq kiwan ajwi’ sa’ axtiklajik rik’in li Dios. Li bwankilal chi k’oxlak, malaj lix saqenkil li yaal, ink’a’ kiyo’ob’tesiman chi moko kiyiib’aman, chi moko ajwi’ naru xyo’ob’tesinkil.

30 Chixjunil li yaal xaqxo xjunes sa’ li jun t’oram li kixk’ojob’ wi’ li Dios, re ataak’anjelaq xjunes rib’, jo’ chanru ajwi’ chixjunil li wankilal chi k’oxlak; wi ut ink’a’ jo’kan, maak’a’aq raj li wank.

31 K’ehomaq reetal, wahi’ lix ataql xch’ool li winq, ut wahi’ li k’eeb’il wi’ li tojb’a-maak sa’ xb’een li winq; xb’aan naq li k’a’ru kiwan chalen chaq sa’ xtiklajik bk’utk’u chi ch’olch’o ru chiruheb’, ut moko neke’xk’ul ta li saqen.

32 Ut li junjunq chi winq li moko naxk’ul ta li asaqen lix musiq’, wan rub’el li tojb’a-maak.

33 Xb’aan naq li winq, a’an amusiq’ej. Li byiib’anb’il wi’ li k’a’aq re ru, junelik nawan, ut li musiq’ej ut li yiib’ahom, naq laq’lookeb’ chi ink’a’ naru xjachb’al rib’, neke’xk’ul xtz’aqalil li sahil ch’oolejil;

34 Ut naq ajachjookeb’ ru, li winq ink’a’ naru chixk’ulb’al xtz’aqalil li bsahil ch’oolejil.

35 Li ayiib’anb’il wi’ li k’a’aq re ru, a’an lix muheb’aal li Dios; relik chi yaal, li winq a’an xmuheb’aal li Dios, a’eb’ bsantil ochoch ajwi’; ut yalaq santil ochoch li muxb’il, li Dios tixsach li santil ochoch a’an.

36 Lix aloq’al li Dios a’an li bwankilal chi k’oxlak, malaj sa’ jalan chik aatin, li csaqen ut li yaal.

37 Li saqen ut li yaal neke’xtz’eqtaana li amaa’us a’an.

38 Li junjunq xmusiq’ li winq kiwan chi amaak’a’ xmaak sa’ xtiklajik; ut rik’in naq li Dios bkixtoj rix li winq chiru li ct’ane’k, eb’ li winq ke’ok wi’chik, sa’ xk’uula’alileb’, chi dmaak’a’eb’ xmaak chiru li Dios.

39 Ut nachal li maa’us a’an ut anaxmaq’ li saqen ut li yaal, rik’in li q’etok chaq’rab’, chiruheb’ li ralal xk’ajoleb’ li winq, ut xb’aan li bna’leb’ li kanab’anb’il chaq xb’aaneb’ lix yuwa’eb’.

40 A’b’anan laa’in kexintaqla chixk’iresinkileb’ lee akok’al sa’ li saqen ut li yaal.

41 A’b’an chi yaal ninye aawe, at inmoos Frederick G. Williams, laa’at katkana rub’el li tojb’a-maak a’in;

42 Ink’a’ akak’ut li saqen ut li yaal chiruheb’ laa walal aak’ajol, jo’ chanruheb’ li taqlahom; ut li maa’us a’an toj wan xwankil sa’ aab’een, ut a’in xyaalalil laa ch’a’ajkilal.

43 Ut anajwan jun taqlahom nink’e aawe—wi taawaj kole’k taak’e axtuqub’ankil ru laa wochoch laa’at, xb’aan naq wan k’iila k’a’aq re ru li moko tiik ta sa’ laa wochoch.

44 Chi yaal ninye re lin moos aj Sidney Rigdon, naq wan k’a’aq re ru li ink’a’ kixpaab’eb’ wi’ li taqlahom chirixeb’ li ralal xk’ajol; jo’kan ut, xb’een wa k’e xtuqub’ankil ru laa wochoch.

45 Chi yaal ninye re lin moos aj Jose Smith, alalb’ej, malaj sa’ jalan chik aatin, araab’ilex inb’aan tinye eere, xb’aan naq laa’ex li raab’ilex inb’aan, ut taawanq eereechanihom wochb’een—

46 aMoos xinye eere choq’ re li ruchich’och’, ut laa’ex xmooseb’ a’an choq’ we laa’in—

47 Ut anajwan, chi yaal ninye re laj Jose Smith, alalb’ej—Laa’at ink’a’ xapaab’ li taqlahom, ut tento tatwanq chi ach’iilanb’il chiru li Qaawa’;

48 Laa ajunkab’al tento te’xjal xk’a’uxl ut te’xkanab’ junjunq li k’a’aq re ru, ut q’axal wi’chik te’ab’inq chiru laa yehom, malaj ut te’isimanq chaq sa’ xna’ajeb’.

49 Li k’a’ru ninye re li jun ninye re chixjunil; achattijoq junelik, maare anchal li maa’us a’an taawanq xwankil sa’ aab’een, ut tatrisi chaq sa’ laa na’aj.

50 Jo’kan ajwi’ lin moos aj Newel K. Whitney, jun obiisp re lin iglees, tento naq taak’ehe’q xq’usb’al, ut tixk’e xtuqub’ankil ru lix junkab’al, ut taaril naq q’axal wi’chik yalb’ilaqeb’ xq’e ut anchalaqeb’ xch’ool sa’ rochocheb’, ut junelik te’tijoq, malaj ut te’isimanq chaq sa’ axna’ajeb’.

51 Anajwan, ninye eere, ex raab’ilex inb’aan, lin moos aj Sidney Rigdon chixchapaq xb’e, ut chixseeb’a rib’, ut chixch’olob’ ajwi’ resil li achihab’ k’ulub’ajel re li Qaawa’, ut li evangelio re li kolb’a-ib’, jo’ tink’e li aatin re; ut rik’in li tijok sa’ paab’aal chi junaj eech’ool, laa’in tinxaqab’ a’an.

52 Ut eb’ lin moos aj Jose Smith, alalb’ej, ut aj Frederick G. Williams che’xseeb’a ajwi’ rib’, ut taak’eemanq reheb’ jo’ chanru ajwi’ li tijok rik’in paab’aal, ut a’ yaal jo’ nekepaab’ lin yehom moko taasache’q ta eena’leb’ sa’ li ruchich’och’ a’in, chi moko sa’ li ruchich’och’ chalel.

53 Ut chi yaal ninye eere, naq a’an li wajom naq teeseeb’a eerib’ achixjaltesinkileb’ ru lin loq’laj hu, ut bchixtawb’al ceenawom chirix li k’a’ru ak uxb’il, ut chirixeb’ li tenamit, ut chirixeb’ li awa’b’ejihom, chirixeb’ lix chaq’rab’ li Dios ut xchaq’rab’eb’ li winq, ut chixjunil a’in choq’ re lix kolb’al Sion. Amen.