Ebʼ li loqʼlaj hu
Tzol’leb’ ut Sumwank 30
Eb’ li raqalil
Tema

Tasal 30

K’utb’esinb’il na’leb’ k’eeb’il rik’in xtz’uumal re laj Jose Smith li Profeet, re laj David Whitmer, laj Peter Whitmer, alalb’ej, ut laj John Whitmer, sa’ Fayette, Nueva York, Septiembre 1830, naq ak x’uxman li ch’utub’aj-ib’ li kiwan chiru oxib’ kutan sa’ Fayette, a’ut rub’elaj naq ke’xjach rib’ li xb’eenil re li Iglees. Kipuktesiman xb’een wa li aatin a’in jo’ oxib’ chi k’utb’esinb’il na’leb’; kijunajiik sa’ jun tasal xb’aan li Profeet choq’ re lix huhil li Tzol’leb’ ut Sumwank li kipuktesiman sa’ 1835.

1–4, Laj David Whitmer naq’use’ xb’aan naq ink’a’ nak’anjelak chi yalb’il xq’e; 5–8, Laj Peter Whitmer, alalb’ej, tento taarochb’eeni laj Oliver Cowdery sa’ jun taqlanb’il k’anjel rik’ineb’ laj Lamanita; 9–11, Laj John Whitmer nab’oqe’ chixjultikankil li evangelio.

1 K’e reetal, ninye aawe, at aDavid, naq bkaxuwa ru li winq ut ink’a’ katwan cchi chapcho chiwu choq’ re aametz’ew jo’ tento raj kab’aanu.

2 Q’axal wi’chik b’an kiwan aak’a’uxl rik’in li k’a’aq re ru re li aruchich’och’ chiru li k’a’aq re ru we laa’in, aj Yiib’ahom aawe, ut li k’anjel li katb’oqe’ wi’; ut ink’a’ kat-ab’in chiru lin Musiq’, ut chiruheb’ li ke’k’ehe’ sa’ aab’een; kiq’unb’esiik b’an aach’ool xb’aaneb’ li moko taqlanb’ileb’ ta inb’aan.

3 Jo’kan ut, kanab’anb’ilat chi patz’ok aajunes sa’ wuq’, ut achixtz’ilb’al rix sa’ aach’ool li k’a’aq re ru kak’ul.

4 Ut taawanq chaq aawochoch sa’ li rochoch laa yuwa’, toj reetal naq tink’e xkomon chik li taqlahom aawe. Ut taak’e aawib’ rik’in li ak’anjel sa’ li iglees, ut chiru li ruchich’och’, ut sa’eb’ li na’ajej sa’ aasutam. Amen.

5 K’e reetal, ninye aawe laa’at, aPeter, naq taachap baab’e aawochb’eenaq laa komon Oliver, xb’aan naq xtaw cxq’ehil naq aajel ru choq’ we naq taate xtz’uumal aawe re xch’olob’ankil lin evangelio; jo’kan ut, matxuwak, dchat-ab’inq b’an chiru li raatin ut lix tijom laa komon li tixk’e aawe.

6 Ut chattawasiiq laa’at sa’ chixjunil li tawasiik naxk’ul a’an, chi waklesinb’il rajlal aach’ool chiwu sa’ tijok ut paab’aal, choq’ re lix kolb’al a’an ut laa kolb’al; xb’aan naq xink’e re a’an wankilal chixwaklesinkil lin aiglees sa’ xyanqeb’ laj bLamanita;

7 Ut maajun kinxaqab’ chi wank choq’ aj k’ehol na’leb’ asa’ xb’een a’an sa’ li iglees, chirix li na’leb’ re li iglees, ka’ajwi’ lix komon, aj Jose Smith, alalb’ej.

8 Jo’kan ut, chat-ab’inq chiru li k’a’aq re ru a’in, ut chayalaq aaq’e sa’ xpaab’ankil lin taqlahom, ut tat-osob’tesiiq choq’ re li junelik yu’am. Amen.

9 K’e reetal, ninye aawe, at inmoos John, naq taatikib’ chalen sa’ li hoonal a’in axch’olob’ankil lin evangelio, jo’ rik’in bxyaab’ li trompeet.

10 Ut laa k’anjel taawanq sa’ rochoch laa was aawiitz’in aj Philip Burroughs, ut sa’ li na’ajej a’an li wan sa’ xsutam, relik chi yaal, yalaq b’ar tatruuq wi’ chi ab’iik, toj reetal naq tatintaqla chi elk chaq arin.

11 Ut chixjunil laa k’anjel taawanq sa’ Sion, chi anchal aawaam, chalen anajwan; relik chi yaal, rajlal taate xtz’uumal aawe choq’ re lin k’anjel, chi aink’a’ nakaxuwa k’a’ru taaruuq tixb’aanu li bwinq, xb’aan naq laa’in wankin caawik’in. Amen.