Tasal 2
Jun raqal isinb’il sa’ lix tz’iib’anb’il esil laj Jose Smith, li naxk’ut li raatin li anjel aj Moroni re laj Jose Smith li Profeet, naq wan sa’ lix che’il ochoch li junkab’al Smith aran Palmyra, Nueva York, chiru q’ojyin sa’ 21 Septiembre 1823. Laj Moroni a’an xraqikeb’ li k’iila profeet li ke’tz’iib’ank re li esil li wan anajwan chiru li ruchich’och’ jo’ lix Hu laj Mormon. (Chi’ilmanq sa’ Malakias 4:5–6; jo’kan ajwi’ li tasal 27:9; 110:13–16; ut 128:18.)
1, Laj Elias tixk’utb’esi li tijonelil; 2–3, Li k’a’ru yeechi’inb’il reheb’ li yuwa’b’ej na’awman sa’ xch’ooleb’ li alal k’ajolb’ej.
1 K’ehomaq reetal, tink’utb’esi cheru li Tijonelil, rik’in ruq’ laj Elias li profeet, rub’elaj lix k’ulunik li xnimal ru ut xuwajel xkutan li Qaawa’.
2 Ut a’an taaraw sa’ xch’ooleb’ li alal k’ajolb’ej li k’a’ru yeechi’inb’il reheb’ li yuwa’b’ej, ut lix ch’ooleb’ li alal k’ajolb’ej te’sutq’iiq rik’ineb’ lix yuwa’.
3 Wi ta ink’a’ jo’kan, chixjunil li ruchich’och’ taasachmanq raj chi junajwa sa’ lix k’ulunik.