Ebʼ li loqʼlaj hu
Tzol’leb’ ut Sumwank 129
Eb’ li raqalil
Tema

Tasal 129

Na’leb’ k’eeb’il xb’aan laj Jose Smith li Profeet, sa’ Nauvoo, Illinois, 9 Febrero 1843, li naxk’e chi nawmank oxib’ li ninqi laaw li taaruuq wi’ chi tz’ile’k rix chanru tz’aqal xwankileb’ li anjel ut li musiq’ej aj k’anjelanel.

1–3, Wankeb’ sa’ choxa li ani ak waklijenaqeb’ chi yo’yo jo’ ajwi’ li musiq’ejeb’; 4–9, Nak’eeman li laaw li naru wi’ chi nawmank ruheb’ laj k’amol esil li chalenaqeb’ chaq chirix li tz’apleb’ t’ikr.

1 Wankeb’ wiib’ paay li ani wankeb’ sa’ achoxa, a’aneb’ a’in: Eb’ li banjel, a’aneb’ li ani cwaklijenaqeb’ chi yo’yo, wankeb’ xxaqalileb’ tib’ ut b’aq okenaq—

2 Qayehaq, li Jesus kixye: Ch’e’omaqin ut ilomaq, xb’aan naq jun li musiq’ej maak’a’ axtib’el ut xb’aqel, jo’ nekeril we laa’in.

3 Xkab’: lix amusiq’eb’ li btiikil winq li tz’aqob’resinb’ileb’ ru, eb’ li ani moko waklijenaqeb’ ta chi yo’yo, a’ut neke’reechani chi juntaq’eet li loq’alil.

4 Naq nachal jun aj k’amol esil chixyeeb’al naq wan rik’in jun esil chalenaq chaq rik’in li Dios, yeechi’i laa wuq’ ut patz’ re naq tixchap aawuq’.

5 Wi anjel a’an, tixb’aanu, ut taaweek’a li ruq’.

6 Wi a’an xmusiq’ jun tiikil winq li tz’aqob’resinb’il ru, taachalq sa’ lix loq’alil, xb’aan naq ka’ajwi’ chi jo’kan naru chi k’utmank—

7 Patz’ re naq tixchap aawuq’, a’b’anan ink’a’ taa’eek’anq, xb’aan naq moko naxk’am ta rib’ rik’in lix k’anjelil li choxa naq jun tiikil winq taab’alaq’iq; a’b’an toj tixq’axtesi li esil naxk’am.

8 Wi a’an alaj tza jo’ jun anjel re saqen, naq nakapatz’ re naq tixchap aawuq’ tixyeechi’i li ruq’, ut maak’a’ taaweek’a; chi jo’kan taatz’il li rix.

9 A’aneb’ a’in oxib’ li ninqi laaw li nakatru wi’ chixnawb’al ma re li Dios junaq k’anjelahom.