Wiib’ paay li ani sa’ choxa anjel yeeb’il reheb’: eb’ li musiq’ej ut eb’ li wankeb’ xxaqalil li tib’ ut b’aq okenaq. Eb’ li anjel li musiq’ejeb’ maji’ neke’xk’ul jun xaqalil re tib’ ut b’aq, malaj ut a’aneb’ li musiq’ej li ak xe’wan chaq xtib’el li xe’kam, ut yookeb’ chiroyb’eninkil li wakliik chi yo’yo. Eb’ li anjel li wankeb’ xxaqalil re tib’ ut b’aq ak waklijenaqeb’ chaq sa’ xyanqeb’ li kamenaq, malaj ut jaltesinb’ileb’ chaq ru.
K’iila raqal sa’ li loq’laj hu neke’aatinak chirix lix k’anjeleb’ li anjel. Wan naq eb’ li anjel neke’aatinak rik’in xyaab’ xkux li kaaq naq neke’xq’axtesi li raatin li Dios (Mos. 27:11–16). Wan naq eb’ li yo’yookil winq anjel nayeeman reheb’ (JJS, Gen. 19:15 [apendice]). Wankeb’ li anjel li neke’k’anjelak sa’ xsutam lix k’ojarib’aal li Dios sa’ choxa (Alma 36:22).
Sa’eb’ li loq’laj hu na’aatinak ajwi’ chirixeb’ lix anjel laj tza. A’aneb’ a’in li musiq’ej li ke’taaqenk re laj Lucifer ut ke’tz’eqe’ chaq chiru li Dios sa’ li yu’am naq maji’ nokoyo’la ut ke’isiik toj sa’ ruchich’och’ (Apok. 12:1–9; 2 Ne. 9:9, 16; Tz. ut S. 29:36–37).