Naqanaw sa’ qach’ool b’ar wan li us ut li ink’a’ us—nachal a’in xb’aan lix saqen li Kristo li wan rik’ineb’ chixjunil li winq (Moro. 7:16). Ak qe chalen chaq qayo’lajik naq nokoru chixtz’ilb’al rix li us chiru li ink’a’ us, sa’ xk’ab’a’ lix saqen li Kristo li nak’eeman re li junjunq chi winq (Tz. ut S. 84:46). A’in li reek’ob’aal qach’ool nayeeman re. Rik’in a’an wanko chi teneb’anb’il xb’aan li qab’aanuhom. Jo’ xkomon chik li qacha’al, naru narahob’tesiik li reek’ob’aal li qach’ool xb’aan li maak malaj xb’aanunkil li ink’a’ us.