Rut
Sa’ li Najter Chaq’rab’, jun ixq aj Mohab, ralib’ li xNohemi ut laj Elimelek, aj Israeliteb’. Chirix lix kamik lix b’eelom, lix Rut kisumla rik’in li laj Bohos, rech alal li xNohemi. Laj Obed li ralaleb’, a’an xxe’ xtoon laj David ut li Kristo. Li esil chirix li xRut naxk’ut rik’in ch’ina-usil aatin lix jalajik xch’ool jun aj jalanil tenamit toj sa’ xkorralil laj Israel. Li xRut kixkanab’ li dios ut li yu’am kiwan wi’ chaq re taajunajiiq rik’in rochochil li paab’aal sa’ k’anjelak chiru lix Dios laj Israel (Rut 1:16).
Lix hu li xRut
Sa’ li ch’ol 1 naxye resil lix yu’am laj Elimelek ut lix junkab’al sa’ Mohab. Chirix xkamikeb’ lix b’eelom, li xNohemi ut li xRut xkoheb’ Belen. Sa’ li ch’ol 2 naxye resil naq li xRut kixokok iyaj chirixeb’ laj k’anjel sa’ lix ch’och’ laj Bohos. Sa’ li ch’ol 3 naxye resil chanru naq lix Nohemi kixye re li xRut naq taaxik sa’ li ch’oxleb’aal iyaj ut taayoklaaq sa’ roq laj Bohos. Li ch’ol 4 a’an resil lix sumlajik li xRut rik’in laj Bohos. Kiyo’la jun ralaleb’, aj Obed, ut sa’ li ralal xk’ajol a’an ke’yo’la laj David ut li Kristo.