Naq junaq naxram rib’ chi wa’ak ut chi uk’ak chi moko minb’il ta ru, re taajilonq rik’in li Qaawa’ ut tixtz’aama li rosob’tesihom. Naq na’ux li kuyuk sa’ xjunes malaj sa’ komonil, tento taa’uxq ajwi’ li tijok re xnawb’al k’a’ru li rajom xch’ool li Dios ut re xnimankil qametz’ew sa’ musiq’ejil. Li kuyuk sa’ junelik b’aanunb’il xb’aaneb’ li tz’aqal aj paab’anel.
Sa’ li Iglees anajwan, najachman ru jun domingo chiru li junjunq po re taa’uxq li kuyuk sa’. Sa’ li kutan a’an, eb’ li komon sa’ li Iglees ink’a’ neke’wa’ak chi moko neke’uk’ak chiru xnumik jarub’aq hoonal. Toja’ naq neke’xkub’si chiru li Iglees li tumin li xe’xtoj raj re xloq’b’al li tzakemq a’an. Li tumin a’in, li mayej re li kuyuk sa’ nayeeman re. Li Iglees naroksi li mayej re li kuyuk sa’ re xtenq’ankileb’ li neb’a’ ut li maak’a’ wan reheb’.