Samaritano, aj Samaria

Eb’ li yeeb’ileb’ resil sa’ li Santil Hu li ke’wan sa’ Samaria chirix naq li awa’b’ejihom Israel sa’ xnim li saq’e ki’eechaniik xb’aaneb’ laj Asiria. Eb’ laj Samaria a’aneb’ jun raqal aj Israelita ut jun raqal aj Gentil, chi junajinb’il. Sa’ lix paab’aaleb’ junajinb’il ajwi’ lix paab’aaleb’ ut lix b’aanuhomeb’ laj Israelita rik’ineb’ li maak’a’eb’ xnawom chirix li Dios. Li jaljookil ru aatin chirix li chaab’il aj Samaritano sa’ Luk. 10:25–37 naxk’ut chan ru naq eb’ laj Judio xik’ neke’rileb’ laj Samaritano xb’aan naq eb’ laj Samaritano ke’xkanab’ chaq lix paab’aaleb’ laj Israelita. Li Qaawa’ kixb’eresiheb’ li Apostol chixk’utb’al li evangelio chiruheb’ laj Samaritano (Hech. 1:6–8). Laj Felipe ki’usa sa’ xjultikankil lix evangelio li Kristo chiruheb’ laj Samaria, ut kixb’aanu k’iila sachb’a-ch’oolej sa’ xyanqeb’ (Hech. 8:5–39).