Lix tz’aqalil lix evangelio li Jesukristo, k’uub’anb’il re xk’eeb’al chi uxmank lix kolb’al chiru li kamk ut lix yu’am chi junelik li winq. Sa’ li k’uub’anb’il na’leb’ a’in natawman li yo’ob’tesink, li t’ane’k, lix tojb’al rix li maak, jo’ ajwi’ chixjunil li chaq’rab’, li k’ojob’anb’il k’anjel, ut li tzol’leb’ li k’eeb’il xb’aan li Dios. Rik’in li k’ojob’anb’il k’anjel a’in, chixjunileb’ neke’ru chixk’ulb’al li taqenaqil loq’al ut chi wank chi junelik rik’in li Dios (2 Ne. 2; 9). Sa’eb’ li loq’laj hu, nayeeman ajwi’ resil li k’uub’anb’il na’leb’ a’in jo’ li k’uub’anb’il na’leb’ re li kolb’a-ib’, li k’uub’anb’il na’leb’ re sahil ch’oolejil, ut li k’uub’anb’il na’leb’ re uxtaan.