Ani naxuwank re li Dios, tiik xch’ool, tuulan xch’ool, naru chi tzole’k, ut naxkuy xnumsinkil li rahilal. Eb’ li ani tuulan wankeb’ xch’ool chixtaaqenkil li na’leb’ re li evangelio.
Tzolomaq chiwix, xb’aan naq tuulanin ut kub’enaq inch’ool, Mat. 11:29 .
Li tuulanil a’an jun ruuchinihom li Musiq’ej, Gal. 5:22–23 .
Lix moos li Qaawa’ tento naq q’unaq xch’ool, seeb’aq chi k’utuk, aj kuyunel, ut tixtzoleb’ rik’in tuulanil li neke’xyal ru rik’in, 2 Tim. 2:24–25 .
Jun musiq’ej tuulan ut ch’anch’o nim xtz’aq sa’ rilob’aal li Dios, 1 Pe. 3:4 .
Risinkil li ruchich’och’il winq ut kanaak chi tuulan, Mos. 3:19 (Alma 13:27–28 ).
Li Dios kixtaqla laj Helaman naq tixtzoleb’ li tenamit re te’wanq chi tuulan, Alma 37:33 .
Li rusilal li Dios tz’aqal choq’ reheb’ li tuulan, Eter 12:26 .
Wan eepaab’aal chirix li Kristo, sa’ xk’ab’a’ eetuulanil, Moro. 7:39 .
Maajun k’ulub’anb’il chiru li Dios, ka’ajwi’ li tuulan ut kub’enaq xch’ool, Moro. 7:44 .
Li risinkil li maak naxk’am chaq li tuulanil, ut sa’ xk’ab’a’ li tuulanil nachal li ula’aniik xb’aan li Santil Musiq’ej, Moro. 8:26 .
Chatb’eeq sa’ xtuulanil inMusiq’, Tz. ut S. 19:23 .
Jolomi laa junkab’al sa’ tuulanil, Tz. ut S. 31:9 .
Li wankilal ut li teneb’ank naru na’uxman sa’ xk’ab’a’ li tijonelil rik’in li q’unal ch’oolej ut li tuulanil, Tz. ut S. 121:41 .