Abinadi Chi’ilmanq ajwi’ Kamsinb’il sa’ xk’ab’a’ xpaab’aal Jun profeet aj Nefita sa’ lix Hu laj Mormon. Kixye jo’ profeet naq li Dios tixk’e tojb’a-maak sa’ xb’een lix tenamit li rey aj maak aj Noe wi ink’a’ te’xjal xk’a’uxleb’, Mos. 11:20–25. Kitz’ape’ sa’ tz’alam xb’aan xyeeb’al jo’ profeet naq taasache’q li rey aj Noe ut lix tenamit, Mos. 12:1–17. Kixtzoleb’ laj tij aj maak re li rey aj Noe chirix lix chaq’rab’ laj Moises ut chirix li Kristo, Mos. 12–16. Laj Alma li yuwa’b’ej kixpaab’ ut kixtz’iib’a li raatin, Mos. 17:2–4. Kikamsiik chi k’atb’il xb’aan li rey aj Noe, Mos. 17:20.