Ak’ ut junelikil sumwank

Lix tz’aqalil lix evangelio li Jesukristo (Tz. ut S. 66:2). Ak’ nakana rajlal sut naq nak’utb’esiman chi ak’il chirix xkutankil li q’etok paab’ank. A’an li junelikil sumwank xb’aan naq a’an lix sumwank li Dios, ut k’eeb’il sa’ li junjunq k’ojlajik naq eb’ li tenamit wankeb’ xch’ool chixk’ulb’al. Li ak’ ut junelikil sumwank kik’utb’esiman wi’chik chiruheb’ li winq sa’ li ruchich’och’ xb’aan li Jesukristo rik’in xtz’uumal re li Profeet aj Jose Smith. Sa’ a’an wankeb’ li jar loq’laj k’ojob’anb’il k’anjel li b’aanunb’ileb’ rik’in lix wankil li tijonelil—jo’ li kub’iha’ ut li sumlaak sa’ li santil ochoch—li neke’k’anjelak choq’ re lix kolb’a-ib’ li winq, lix kolb’al chiru li kamk, ut lix yu’am chi junelik. Naq eb’ li winq neke’xk’ul li evangelio ut neke’xye naq te’xpaab’ lix taqlahom li Dios, li Dios na’ok sa’ sumwank rik’ineb’ naq tixk’e reheb’ li osob’tesink sa’ lix ak’ ut junelikil sumwank.