Nehemias
Jun aj Israelita li taqenaq xwankil sa’ Babilonia sa’ li Najter Chaq’rab’ (jun aj Levita, malaj ut aj teepal Juda) li kiwan choq’ aj k’amol sek’ sa’ rochoch li rey aj Artajerjes, rik’in li kixk’ul wi’ jun xtaqlahom li rey li kixk’e xwankil chixyiib’ankil wi’chik li xaqxookil tz’ak chirix Jerusalen.
Lix hu laj Nehemias
Li hu a’in wan chirix lix hu laj Esdras. Sa’ li hu wan resil li usaak ut li ch’a’ajkilal sa’ li k’anjel aran Jerusalen chirix naq ke’el chaq laj Judio chi preexil Babilonia. Sa’eb’ li ch’ol 1–7 naxye resil li xb’een xwulajik laj Nehemias sa’ Jerusalen, ut chan ru naq ke’xyiib’ xtz’akil li tenamit us ta wan naab’al li xik’ ile’k. Sa’eb’ li ch’ol 8–10 yeeb’il resil li jalaak re paab’aal ut re li tenamit li kixyal laj Nehemias xb’aanunkil. Sa’eb’ li ch’ol 11–13 wan chi tzoltzo lix k’ab’a’eb’ li ani k’ulub’ejeb’, ut naxye resil naq ki’ux rosob’tesinkil li tz’ak. Sa’eb’ li raqal 4–31 re li ch’ol 13 tz’iib’anb’il resil naq laj Nehemias kiwulak xkab’ sut Jerusalen chirix xnumik kab’laju chihab’.