Esekias

Jun li rey tiik xch’ool sa’ xb’een li tenamit Juda sa’ li Najter Chaq’rab’. A’an ki’awa’b’ejin chiru b’eleeb’ xka’k’aal chihab’, chiru li kutan kiwan wi’ laj Isaias choq’ profeet sa’ Juda (2 Rey. 18–20; 2 Kro. 29–32; Isa. 36–39). Laj Isaias kixtenq’a chixtuqub’ankil ru li iglees jo’ ajwi’ li jolomil tenamit. A’an kixkub’si xwankil li loq’onink pak’b’il dios ut kixtikib’ wi’chik li k’anjel sa’ li santil ochoch. Lix yu’am laj Esekias kitiqe’ ru o’laju chihab’ xb’aan li tijok ut li paab’aal (2 Rey. 20:1–7). Sa’ xtiklajik lix awa’b’ejil ki’usa, a’b’anan naq kirisi rib’ rub’el xwankil li rey aj Asiria (2 Rey. 18:7), ke’chal laj Asirio wiib’ sut chixpleetinkil: li xb’een pleet yeeb’il resil sa’ Isaias 10:24–32, li xkab’ sa’ 2 Reyes 18:13–19:7. Sa’ li xkab’ sut ke’ok wi’ chi pleetik, kikole’ Jerusalen xb’aan jun lix anjel li Qaawa’ (2 Rey. 19:35).