Jehova
Tz’aqal xk’ab’a’ li Dios re Israel, malaj lix k’ab’a’ sa’ li sumwank. Lix yaalalil a’an “li junelikil Laa’inin” (Exo. 3:14; Jwan 8:58). Li Jehova a’an li Jesukristo rub’elaj li yu’am a’in, ut kichal sa’ li ruchich’och’ jo’ ralal li xMaria (Mos. 3:8; 15:1; 3 Ne. 15:1–5). Sa’ li Najter Chaq’rab’, naq natawman li aatin Qaawa’, naraj naxye “Jehova.”
Li Jehova a’an li Kristo
Li Jehova nawb’il ru xb’aaneb’ li najter profeet (Exo. 6:3; Abr. 1:16). Li Apostol aj Pablo kixk’ut naq li Kristo a’an li Jehova sa’ li Najter Chaq’rab’ (Exo. 17:6; 1 Kor. 10:1–4). Li ras laj Jared sa’ lix Hu laj Mormon kiril li Kristo rub’elaj li yu’am a’in ut kixloq’oni (Eter 3:13–15). Jo’kan ajwi’ laj Moroni “Jehova” kixye re li Kristo (Moro. 10:34). Sa’ li Santil Ochoch sa’ Kirtland, laj Jose Smith ut laj Oliver Cowdery ke’ril li Jehova, chi waklijenaq chi yo’yo (Tz. ut S. 110:3–4).